Kiran Mane : किरण मानेंनी 'तिकळी' मालिकेतून घेतली एक्झिट, कलर्स मराठी करणार कमबॅक
Kiran Mane : किरण माने यांनी तिकळी या मालिकेतून एक्झिट घेतली असून ते आता कलर्स मराठी वाहिनीवर कमबॅक करणार आहेत.
Kiran Mane : किरण माने (Kiran Mane) हे नुकतच सन मराठी वाहिनीवरील तिकळी या मालिकेतून प्रेक्षकांच्या भेटीला आले होते. किरण माने यांनी एका मोठ्या ब्रेक नंतर त्यांनी छोट्या पडद्यावर कमबॅक केलं होतं. दरम्यान ते काही काळापूर्वी बिग बॉससारख्या कार्यक्रमातूनही प्रेक्षकांच्या भेटीला आले होते. पण आता त्यांनी तिकळी या मालिकेतूनही प्रेक्षकांचा निरोप घेतला आहे.
दरम्यान किरण माने हे लवकरच पुन्हा एकदा कलर्स मराठी वाहिनीवर झळकणार आहेत. त्यांनी त्यांच्या सोशल मीडियावर पोस्ट करत यासंदर्भात माहिती दिली आहे. त्यामुळे आता किरण माने कोणत्या भूमिकेत झळकणार याची उत्सुकता प्रेक्षकांना लागून राहिली आहे.
किरण माने यांची पोस्ट नेमकी काय?
किरण माने यांची पोस्ट नेमकी काय?
किरण माने यांनी त्यांच्या सोशल मीडियावर पोस्ट करत म्हटलं की, 'खतरनाक, खूंखार, कारस्थानी 'बाबाराव खोत'ला रामराम ! आजपासून मी सन मराठी वाहिनीवरच्या 'तिकळी' मालिकेत नसेन. पण ही भुमिका मला खुप समाधान देऊन गेली. कलर्स मराठीवरच्या 'सिंधुताई'मधला प्रेमळ, मायाळू, कणखरपणे मुलीच्या पाठीशी उभा राहिलेला अभिमान साठेसारखा भक्कम बाप साकारल्यानंतर एकदम विरूद्ध धाटणीचा खलनायकी बाबाराव साकारायला मिळाल्यामुळं माझ्यातला अभिनेता सुखावून गेला !'
पुढे त्यांनी म्हटलं की, 'आता पुन्हा एकदम भिन्न स्वभावाच्या नव्या भुमिकेत येतोय लवकरच... आपल्या आवडत्या 'कलर्स मराठी'वर... 'बिगबाॅस'पासून कलर्स मराठी हे मला घरासारखे आहे. घरी परतल्याचा आनंद वेगळाच असतो...'
दरम्यान किरण माने यांच्या आरोप करत स्टार प्रवाहवरील मुलगी झाली हो, या मालिकेतून काढण्यात आलं होतं. त्यानंतर मात्र किरण माने हे नाव बरंच चर्चेत आलं. काही महिन्यांपूर्वी किरण माने यांनी राजकारणात एन्ट्री केल्यानंतर ठाकरे गटातही प्रवेश केला. त्यानंतर किरण माने त्यांच्या सोशल मीडियावर अनेक मुद्द्यांवर भाष्य करत असल्याचं पाहायला मिळतंय. त्यांच्या सोशल मीडिया पोस्ट या कायमच चर्चेत येत असतात. त्यातच आता त्यांनी मालिका सोडणार असल्याचीही घोषणा केली आहे.
ही बातमी वाचा :
महत्त्वाच्या बातम्या
