Jeev Majha Guntala: अंतरा आणि मल्हारच्या नव्या प्रवासाला सुरुवात; जीव माझा गुंतलाचा प्रोमो व्हायरल
नुकत्याच समोर आलेल्या प्रोमोमध्ये दिसत आहे की, मल्हार आणि अंतरा यांच्या नव्या प्रवासाला सुरुवात झाली आहे.
Jeev Majha Guntala: छोट्या पडद्यावरील जीव माझा गुंतला (Jeev Majha Guntala) या मालिकेला प्रेक्षकांची नेहमी पसंती मिळते. या मालिकेत आता मल्हार - अंतराच्या नव्या प्रवासाला सुरुवात झाली आहे. शितोळे कुटुंबाला होणारा त्रास मल्हारला बघवत नसल्याने तो अंतराचं घर सोडून वेगळं रहण्याचा निर्णय घेणार आहे आणि त्याला अंतराची साथ मिळणार आहे. नुकत्याच समोर आलेल्या प्रोमोमध्ये दिसत आहे की दोघांच्या नव्या प्रवासाला सुरुवात झाली असून, त्यांना अनेक समस्यांना सामोरं जावं लागणार आहे. हा प्रवास मल्हारसाठी जास्त आव्हानत्मक आणि खडतर असणार आहे.
प्रोमोमध्ये दिसत आहे की. "तुला अजूनही हा वनवास भोगावा असं वाटेत आहे का”? असं मल्हार अतंराला म्हणतो. आजपर्यंत मल्हारला अंतराने प्रत्येक संकटात साथ दिली आहे आणि आता देखील त्याला अंतराची खंबीर साथ मिळणार आहे. अंतराने मल्हार सरांना वचन दिले आहे, “सीतेने भोगला वनवास रघुरामचंद्राच्या साथीने, वचन देते अंतरा राहील कायम मल्हार सरांच्या सोबतीला". वनवासात अंतरा मल्हारला साथ देणार आहे. बघूया त्यांचा हा नवा प्रवास कसा राहील ? त्यांना कोणत्या अडचणींना सामोरं जावं लागेल ? अंतराच्या साथीने मल्हारचा हा वनवास कसा होणार सुखकर.
पाहा प्रोमो
View this post on Instagram
जीव माझा गुंतला या मालिकेमधील मल्हार ही भूमिका सौरभ रजनीश चौघुलेनं साकारली आहे. तर योगिता चव्हाणनं या मालिकेत अंतरा ही भूमिका साकारली आहे.
वाचा इतर महत्त्वाच्या बातम्या:
महत्त्वाच्या बातम्या
