Genelia Deshmukh : 'वेड' साठी काहीही... 'रंग माझा वेगळा' मालिकेत जिनिलिया देशमुखची एन्ट्री!

Genelia Deshmukh : जिनिलिया देशमुखची 'रंग माझा वेगळा' या मालिकेत एन्ट्री होणार आहे.

Genelia Deshmukh

Genelia Deshmukh On Rang Maza Vegla : अभिनेता रितेश देशमुख (Riteish Deshmukh) आणि जिनिलिया देशमुख (Genelia Deshmukh) गेल्या काही दिवसांपासून 'वेड' (Ved) सिनेमामुळे चर्चेत आहेत. आता या सिनेमाच्या प्रमोशनसाठी जिनिलिया टीआरपीच्या शर्यतीत पहिल्या क्रमांकावर असलेल्या 'रंग माझा वेगळा' (Rang Maza Vegla) या मालिकेत एन्ट्री करणार आहे. 

'रंग माझा वेगळा' या मालिकेत सतत नव-नवीन ट्वीस्ट येत असतात. आता या मालिकेत जिनिलिया देशमुखची एन्ट्री होणार आहे. मालिकेत जिनिलिया कार्तिकला प्रेमाचे धडे देताना दिसणार आहे. जिनिलियाला छोट्या पडद्यावर पाहण्याची तिच्या चाहत्यांना आता उत्सुकता लागली आहे. 

'रंग माझा वेगळा' उत्कंठावर्धक वळणावर

'वेड' या सिनेमाच्या प्रमोशनसाठी जिनिलिया 'रंग माझा वेगळा' या मालिकेत एन्ट्री करणार आहे. कार्तिक आणि दीपामधला वाढत असलेला दुरावा कमी करण्यासाठी जिनिलिया कार्तिकला सल्ले देणार आहे. त्यामुळे आता ही मालिका उत्कंठावर्धक वळणावर आली आहे. लवकरच हा भाग प्रसारित होणार आहे. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Riteish Deshmukh (@riteishd)

जिनिलियाच्या एन्ट्रीने 'रंग माझा वेगळा' मालिकेत काय नवा ट्विस्ट येणार याकडे चाहत्यांचं लक्ष लागलं आहे. 'वेड' या सिनेमात जिनिलिया श्रावणीचे पात्र साकारत आहे. तर आता मालिकेतदेखील ती श्रावणी बनूनच येणार आहे. 'वेड' या सिनेमात प्रेक्षकांना श्रावणी आणि सत्याच्या अनोख्या प्रेमाची गोष्ट पाहायला मिळणार आहे. हा सिनेमा 30 डिसेंबरला प्रेक्षकांच्या भेटीला येणार असून या सिनेमाच्या माध्यमातून जिनिलिया मराठी सिनेसृष्टीत पदार्पण करत आहे. 

संबंधित बातम्या