Lockdwon | बिग बॉस 2 विनर आशुतोष कौशिक विवाहबंधनात; लॉकडाऊनमुळे घराच्या गच्चीवर घेतली सप्तपदी

बिग बॉस 2 चा विजेता आशुतोष कौशिकने लॉकडाऊनमध्येच आपला लग्नसोहळा आटोपला आहे. त्याने आपल्या या विवाहसोहळ्याचे खास व्हिडीओ सोशल मीडियावर शेअर केले आहेत.

नवी दिल्ली : बिग बॉस 2 चा विजेता आशुतोष कौशिकने लॉकडाऊनमध्येच लग्न केलं आहे. आपल्या लग्नाचे खास व्हिडीओ त्याने सोशल मीडियावर शेअर केले आहेत. हे व्हिडीओ सोशल मीडियावर सध्या व्हायरल होत आहेत. लॉकडाऊनमुळे आशुतोष कौशिकने आपल्या लग्नाची तारिख पुढे न ढकलता, खास अंदाजात राहत्या घराच्या गच्चीवर लग्नसोहळा आटोपला. हा विवाहसोहळा अत्यंत सुरक्षितरित्या आणि सोशल डिस्टंन्सिंग पाळत पार पडला.

आशुतोषचा लग्नसोहळा अत्यंत साधेपणाने पार पडला. या लग्नसोहळ्यात दोन्ही कुटुंबातील चार लोकं उपस्थित होती. याचसोबत आशुतोषने आणखी एक कौतुकास्पद पाऊल उचललं आहे. त्याने आपल्या लग्नासोहळ्याची सर्व रक्कम पीएम केअर फंड्सला दान करण्याचा निर्णय घेतला आहे. त्यामुळे चाहते त्याचं कौतुक करत आहेत.

बिग बॉस फेम आशुतोष उत्तर प्रदेशमधील सहारनपूर येथील राहणारा आहे. त्याने अलीगढमध्ये राहणाऱ्या अर्पितासोबत आपली लग्नगाठ बांधली आहे. कोरोना व्हायरसच्या पार्श्वभूमीवर संपूर्ण देशात लॉकडाऊन असल्यामुळे नोएडा, सेक्टर 100 येथील आपल्या राहत्या घराच्या गच्चीवर आपल्या आशुतोषचा विवाहसोहळा पार पडला. असं सांगितलं जात आहे की, लॉकडाऊनच्या आधीच आशुतोष आणि अर्पिताचं लग्न ठरवण्यात आलं होतं. 26 एप्रिलला लग्नाची तारिख ठरवण्यात आली होती. अशातच आशुतोष तारिख पुढे ढकलण्याऐवजी त्याच दिवशी लग्न करण्याचा निर्णय घेतला.

आशुतोष कौशिकने आपल्या फेसबुक अकाउंटवरून आपल्या या खास लग्नसोहळ्याचे खास व्हिडीओ शेअर केले आहेत. या व्हिडीओंमध्ये आशुतोष आणि अर्पिता सप्तपदी घेताना दिसत आहेत. या दोघांचं लग्न लावून देण्यासाठी जे भटजी उपस्थित होते, त्यांनीही मास्क लावला होता. व्हिडीओच्या बँकग्राउंडला असलेले लोक सोशल डिस्टंन्सिंगचं पालन करताना दिसत आहेत.

दरम्यान, आशुतोष कौशिक 'एमटीव्ही रोडीज' जिंकल्यानंतर चर्चेत आला होता. त्यावेळी तो टेलिव्हिजनचा लोकप्रिय चेहरा बनला होता. 'रोडीज'नंतर तो 'बिग बॉस'मध्येही सहभागी झाला होता. बिग बॉस 2 ची ट्रॉफी त्याने आपल्या नावे केली होती.

संबंधित बातम्या :