Bus Bai Bus : 'प्लास्टिक सर्जरी केलीये?'; अमृता फडणवीसांना प्रश्न, उत्तर देत म्हणाल्या...
अमृता फडणवीस (Amruta Fadnavis) यांना 'तुम्ही प्लास्टिक सर्जरी केलीये का?' असा प्रश्न विचारण्यात आला. या प्रश्नाला अमृता फडणवीस यांनी दिलेल्या उत्तरानं अनेकांचे लक्ष वेधले.
Bus Bai Bus : 'बस बाई बस' (Bus Bai Bus) या कार्यक्रमाची प्रेक्षक उत्सुकतेने वाट बघत आहेत. अभिनेता सुबोध भावे (Subodh Bhave) हा या कार्यक्रमाचं सूत्रसंचालन करणार आहे. 29 जुलैपासून हा कार्यक्रम प्रेक्षकांच्या भेटीस येत आहे. या कार्यक्रमामध्ये अमृता खानविलकर ( Amruta Khanvilkar) आणि सुप्रिया सुळे (Supriya Sule) यांनी हजेरी लावली होती. आता या कार्यक्रमामध्ये अमृता फडणवीस यांनी देखील हजेरी लावली आहे. झी मराठीच्या सोशल मीडिया पोस्टवर या कार्यक्रमाचा एक प्रोमो व्हिडीओ शेअर करण्यात आला. या व्हिडीओमध्ये दिसत आहे की, अमृता फडणवीस (Amruta Fadnavis) यांना 'तुम्ही प्लास्टिक सर्जरी केली आहे का?' असा प्रश्न विचारण्यात आला. या प्रश्नाला अमृता फडणवीस यांनी दिलेल्या उत्तरानं अनेकांचे लक्ष वेधले.
काय म्हणाल्या अमृता फडणवीस?
'तुम्ही प्लास्टिक सर्जरी केलीये?' असा प्रश्न प्रेक्षकांमधील एका महिलेनं विचारला. या प्रश्नाला उत्तर देत अमृता फडणवीस म्हणाल्या, 'बरं झालं तुम्ही हा प्रश्न विचारला, कारण मला याबाबतीत अनेकांनी ट्रोल केलं. प्लास्टिक सर्जरी करायला खूप हिंमत लागते. यामध्ये एक रिस्क आहे की जर काही चुकलं तर तुमचा चेहरा बिघडू शकतो. लग्नाच्या आधी मी कधी ब्युटी पार्लरमध्ये पण गेले नाही. लग्नाच्या वेळेस फक्त मेक-अप केला. देवेंद्रजी हे स्त्रीचं मन पाहतात.'
पाहा प्रोमो:
View this post on Instagram
'बस बाई बस' या कार्यकमाचे आभिनेता सुबोध भावे करतो. कार्यक्रमाबद्दलची सुबोधनं सांगितलं, ‘मला काहीतरी वेगळं किंवा नवीन करायची इच्छा होती. संगीत किंवा नृत्यांच्या स्पर्धांमध्ये आत एकसुरीपणा यायला लागला आहे. मी याआधी अनेक कार्यक्रमांचं सूत्रसंचालन केलं आहे. पण, संवादाचा कार्यक्रम मी कधीच केला नव्हता आणि तो करायची माझी खूप इच्छा होती. त्यामुळे जेव्हा मला या कार्यक्रमाची संकल्पना कळली, तेव्हा मला ती खूप आवडली आणि त्वरित होकार दिला.’ सध्या या कार्यक्रमाला प्रेक्षकांची पसंती मिळत आहे.
हेही वाचा:
महत्त्वाच्या बातम्या
ट्रेंडिंग न्यूज
and tablets
