Bigg Boss Marathi Season 5 Day 2 : प्रेमात असं चालतंय बिग बॉस!दुसऱ्याच दिवशी घरात वाहू लागलेत प्रेमाचे वारे, छोट्या पुढारीने थेट...
Bigg Boss Marathi Season 5 Day 2 : 'बिग बॉस मराठी'च्या घरात प्रेमाचे वारे वाहू लागले असल्याचे समोर आले आहे. घरातील सदस्य असलेला छोटा पुढारी घन:श्याम दराडेने थेट आता हिंटच दिली आहे.
Bigg Boss Marathi Season 5 Day 2 : 'बिग बॉस मराठी'च्या नव्या सीझनची (Bigg Boss Marathi New Season) थाटात सुरूवात झाली आहे. पहिल्या दिवसापासूनच 'बिग बॉस मराठी'च्या (Bigg Boss Marathi Season 5) घरात प्रेमाचे वारे वाहायला सुरुवात झाली आहे. बिग बॉसच्या घरात जोडी जमणे ही फारशी नवीन बाब नाही. यंदाच्या सीझनमध्ये कोणाची जोडी जमणार याकडे प्रेक्षकांचे लक्ष लागले होते. आता, घरातील प्रेमाचे वारे वाहू लागले असल्याचे समोर आले आहे. घरातील सदस्य असलेला छोटा पुढारी घन:श्याम दराडेने थेट आता हिंटच दिली आहे. घन:श्यामच्या बोलण्यावर घरातील सदस्यही थट्टा मस्करीच्या मूडमध्ये दिसले.
'बिग बॉस मराठी'च्या ग्रँड प्रीमियरला निक्की तांबोळी (Nikki Tamboli) रितेश देशमुखसमोर स्प्लिट्सविलाची जान असलेल्या अरबाज पटेलवर फिदा झालेली दिसून आली. आता बिग बॉसच्या घरात दुसऱ्या दिवशी छोटा पुढारी अर्थात घन:श्याम दरवडे निक्की आणि अरबाज यांच्या नातेसंबंधावर भाष्य करताना दिसून आला आहे.
बिग बॉसच्या घरात नेमकं काय घडलं?
'बिग बॉस मराठी'च्या दुसऱ्या दिवसाचा प्रोमो समोर आला असून दुसऱ्याच दिवशी घरातील सदस्य रोमँटिक अंदाजात दिसून आला. प्रोमोनुसार, निक्की तांबोळी चहा बनवायला घेते. पण हीटर चालत नसल्याने ती छोटा पुढारीला 'बिग बॉस'ला विनंती करण्यास सांगते. त्यावेळी छोटा पुढारी म्हणतो,"बिग बॉस' आमच्या वहिनींचं तरी ऐका...". त्यावर अरबाज त्याला म्हणतो,"थांबरे सकाळी सकाळी असं काय म्हणतो तू..". पुढे छोटा पुढारी म्हणतो,"तुझं प्रेम उतू चाललंय ते सांगतोय.. चहा उतू गेला तर काही बिघडत नाही". छोटा पुढारीच्या या वक्तव्यावर अरबाज आणि निक्कीला हसू अनावर होतं..अरबाज तर डोक्यालाच हात लावतो. त्यानंतरही छोटा पुढारी पुढे म्हणतो,"प्रेमात असचं असतंय 'बिग बॉस'. छोटा पुढारीमुळे 'बिग बॉस मराठी'च्या घरात हास्य कल्लोळ होतो.
View this post on Instagram
'बिग बॉस मराठी'च्या ग्रँड प्रीमियरला निक्की तांबोळी अरबाजकडे पाहून लाजताना दिसली होती. अरबाजला पाहून सगळंच विसरली असल्याचं ती म्हणाली होती. रितेश भाऊलाही निक्की थोडं थोडं काहीतरी होऊ शकतं असं म्हणाली होती. तर दुसरीकडे अरबाजही, निक्कीला आता सगळीकडे मीच दिसेन, माझ्याशिवाय तिला दुसरं काही सुचणार नाही, असं म्हणाला होता". त्यामुळे आता 'बिग बॉस मराठी'च्या या सीझनमध्ये निक्की आणि अरबाजची जोडी जमणार का? याकडे 'बिग बॉस'प्रेमींचं लक्ष लागलं आहे.
महत्त्वाच्या बातम्या
ट्रेंडिंग न्यूज
