Bigg Boss Marathi 3: 'डब्बा गुल' साप्ताहिक टास्क आज जाणार वेगळ्याच दिशेला

Bigg Boss Marathi 3: 'डब्बा गुल' साप्ताहिक टास्कदरम्यान बिग बॉस मराठीच्या तिसऱ्या पर्वातील सदस्यांमध्ये जोरदार भांडण होणार आहे.

bbm3

Bigg Boss Marathi 3: बिग बॉस मराठीच्या तिसऱ्या पर्वात कालपासून 'डब्बा गुल' हे साप्ताहिक कार्य सुरू आहे. या टास्कदरम्यान घरातील सदस्यांमध्ये बरेच वादविवाद होत आहेत. या टास्कच्या संचालिका मीनल आणि मीरामध्येदेखील टास्कदरम्यान बरेच वाद होत आहेत. आज सदस्यांमधील भांडण आणि धक्काबुक्की वेगळ्याच दिशेला जाणार आहे. आज या टास्कदरम्यान मीनल आणि विशालमध्येदेखील भांडण होताना दिसून येणार आहे. बिग बॉसच्या घरातील सदस्यांमधील समीकरणं, नाती बदलताना दिसत आहेत. त्यामुळे नक्की कोण कोणाच्या बाजूने आहे ते सांगणे कठीण झाले आहे. 

बिग बॉसच्या घरातील लाडका सदस्य म्हणजे दादूस उर्फ संतोष चौधरी. घरातील प्रत्येक सदस्याला ते तितकेच जवळचे आहेत. साप्ताहिक कार्यात दादूसच्या खेळीवर कौतुक करताना स्नेहा, जय, उत्कर्ष आणि नीथा दिसून येणार आहे.

बिग बॉस मराठीच्या घरामध्ये कॅप्टन्सी मिळणे हे अत्यंत महत्वाचे असते. कारण कॅप्टन्सीसोबत सदस्यांना एका आठवड्याची सुरक्षितता मिळते. ही सुरक्षितता अत्यंत महत्वाची असते हे आता घरातील सदस्यांना कळून चुकले आहे. त्यामुळे आता सदस्य कॅप्टन्सी मिळविण्यासाठी टास्कच्या आधी असो वा आठवड्याच्या सुरुवातीला असो डील करायला तयार होत आहेत. मीनलने आज टास्क सुरू होण्याआधीच मीराला डीलसाठी विचारले आहे. याबाबतीत आज विशाल, गायत्री आणि मीरा मध्ये आज चर्चा होणार आहे. 

मीरा विशालला म्हणाली, "मीनल टास्क सुरू होण्याआधीच माझ्याकडे डील घेऊन आली होती. मी तिला म्हणाले,"गेम सुरू तर होऊ दे". त्यावर ती म्हणाली, "मला कॅप्टन बनायचे आहे". मी तिला प्रतिउत्तर देत म्हणाले, "मला पण व्हायच आहे कॅप्टन". तिचं असं होतं, मी हारायच आणि तिला कॅप्टन बनू द्यायचं. विशाल त्यावर म्हणाला, "हे मी पण नाही करणार. जरी आम्ही एका टीममध्ये असतो तरी नसतं केलं मी".