Bigg Boss 16 : बिग बॉस16चं घर म्हणजे वाद अन् कुस्तीचा आखाडा; अर्चना-मान्यामध्ये पुन्हा जुंपणार!
Bigg Boss 16 : ‘बिग बॉस 16’चा (Bigg Boss 16) 18वा भाग भरपूर ड्रामा आणि गदारोळाने भरलेला होता. एकीकडे घरामध्ये प्रेम फुलतंय, त्याचबरोबर घरातील काही सदस्यांमध्ये तर रोज भांडणे होत असतात.
Bigg Boss 16 : ‘बिग बॉस 16’चा (Bigg Boss 16) 18वा भाग भरपूर ड्रामा आणि गदारोळाने भरलेला होता. एकीकडे घरामध्ये प्रेम फुलतंय, त्याचबरोबर घरातील काही सदस्यांमध्ये तर रोज भांडणे होत असतात. नव्या एपिसोडमध्येही चुरशीची लढत पाहायला मिळणार असल्याचे शोच्या प्रोमोमध्ये स्पष्ट झाले आहे. 17व्या दिवसाच्या सुरूवातीला घराचा नवा कॅप्टन शिव प्रियांकाला भांडी धुण्याची ड्युटी देतो. यादरम्यान प्रियांका म्हणते की, हे तिचे काम नाही, ती फक्त शिवच्या सांगण्यावरून हे काम करत आहे. दरम्यान, याच मुद्द्यावरून प्रियांका आणि निमरितमध्ये वाद सुरू झाला.
दरम्यान, अर्चना पुन्हा एकदा जेवणावरून वाद घालायला सुरुवात करते. यावेळी अर्चना आणि मान्यामध्ये बटाट्यावरून तू-तू मैं-मैं सुरु होते. यादरम्यान अब्दु मधे पडत ही भांडणं सोडवण्याचा प्रयत्न करतो. मग, मान्या अर्चनावर चोरीचा आरोप करते, ज्यामुळे ती आणखी चिडते. यावरून दोघींमध्ये खूप वाद झाले. या दोघींचे भांडण अजून संपलेले नाही, तोच गोरी नागोरीही मधे येते आणि तिने अर्चनावर अॅव्होकॅडो फेकल्याचा आरोप करते.
चार स्पर्धकांना विशेषाधिकार मिळाला
रविवारच्या भागात, गौतम विग, एमसी स्टॅन आणि अब्दु रोजिक-साजिद खान यांना विशेषाधिकार देऊन, त्यांना प्रत्येकी एक रूम देण्यात आली होती आणि त्यांच्या इच्छेनुसार स्पर्धकांना घेण्यास सांगितले. सर्व स्पर्धकांनी विशेषाधिकार प्राप्त स्पर्धकांना त्यांच्या खोलीत जाण्यासाठी मन वळवण्याचा प्रयत्न सुरू केला. टीना एमसी स्टेनला त्याच्या खोलीत जाण्यासाठी समजूत घालत होती. मात्र, एमसीने शिवशी बोलून शालीनला त्याच्या रूममध्ये पाठवण्याचा निर्णय घेतला. यावर टीना संतापते.
कॅप्टनसी टास्क दरम्यानही वाद!
प्रियंका चहर चौधरी आणि शिव ठाकरेमध्ये कॅप्टनसी कार्य रंगले होते. त्यामुळे घरातील इतर स्पर्धक कॅप्टनसी कार्य कसं फसेल याकडे लक्ष ठेवून होते. या स्पर्धेत शिव ठाकरे आणि निमरित कौर भांडताना दिसले. निमरित आणि अंकितमध्ये टास्कदरम्यान भांडण झालं. भांडणानंतर निमरित रडत-रडत तिच्या दुसरीकडे निघून जाताना दिसली. त्यावेळी ती म्हणाली की,"मला एंग्जायटी त्रास आहे". यावर प्रतिक्रिया देत शिव म्हणाला,"नाटकं केल्याने काहीही होणार नाही". या प्रकारामुळेच निमरित आणि शिवमध्ये भांडण झाले आहे. मात्र, या टास्कमध्ये बाजी मारत शिवने कॅप्टनपद जिंकले.
वाईल्ड कार्ड म्हणून श्रीजिता पुन्हा एन्ट्री घेणार?
‘बिग बॉस’च्या घरातील श्रीजिता डेचा प्रवास संपला आहे. या एलिमिनेशनमुळे प्रेक्षकही थोडे निराश झाले आहेत आणि स्वत: श्रीजिता देखील या एलिमिनेशनशी सहमत नाही. ‘बिग बॉस 16’मध्ये तिला आणखी एक संधी दिली जाईल, असा विश्वास श्रीजिताला आहे. श्रीजिताने सांगितले की, तिला बिग बॉसच्या घरात वाईल्ड कार्ड एंट्री म्हणून बोलावले जाऊ शकते.
वाचा इतर महत्वाच्या बातम्या:
Before You Go
Devendra Fadnavis on Nana Patekar Passes Away : भाऊ, मार्गदर्शक, मित्र हरपला; फडणवीस भावुक- मुख्यमंत्री देवेंद्र फडणवीस
महत्त्वाच्या बातम्या
