Bigg Boss 16: 'आईला तुझा अभिमान वाटतो'; भावाला पाहून ढसाढसा रडली फराह खान; नेटकरी म्हणाले, 'त्यानं केलंय काय?'

बिग बॉस-16 (Bigg Boss 16) चा एक प्रोमो हा सध्या सोशल मीडियावर व्हायरल होत आहे. या प्रोमोमध्ये फराह खान (Farah Khan) ही साजिदला (Sajid Khan) पाहून रडताना दिसत आहे.  

Bigg Boss 16

Bigg Boss 16: बिग बॉस-16 (Bigg Boss 16) च्या चाहत्यांसाठी यंदाचा आठवडा खास असणार आहे. या आठवड्यात बिग बॉस-16 मधील स्पर्धकांच्या कुटुंबातील सदस्य बिग बॉसच्या घरात येणार आहेत. शिव ठाकरेची (Shiv Thakare) आई, एम. सी. स्टॅनची आई आणि  साजिद खानची (Sajid Khan) बहीण फराह खान (Farah Khan) हे बिग बॉसच्या घरामध्ये येणार आहेत. बिग बॉस-16 चा एक प्रोमो हा सध्या सोशल मीडियावर व्हायरल होत आहे. या प्रोमोमध्ये फराह खान ही साजिदला पाहून रडताना दिसत आहे.  

साजिद खानला सपोर्ट करण्यासाठी त्याची बहीण फराह खान ही बिग बॉसच्या घरात एन्ट्री करणार आहे. नुकत्याच रिलीज करण्यात आलेल्या प्रोमोमध्ये दिसत आहे. की बिग बॉसच्या घरामध्ये फराह जाते आणि भावाला पाहून ती भावूक होते. यावेळी फराह ही साजिदला म्हणते, 'रडू नकोस, आईला तुझा अभिमान वाटतो.' तर दुसऱ्या प्रोमोमध्ये दिसत आहे की, घरातील इतर सदस्यांना फराह म्हणते, 'साजिद, तुला हे लोक मिळाले आहेत, त्यामुळे तू खूप लकी आहेस.' अनेक नेटकरी सध्या बिग बॉसच्या या आगामी एपिसोडच्या प्रोमोला कमेंट करुन फराह आणि साजिदला ट्रोल करत आहेत. 

नेटकऱ्यांच्या कमेंट्स: 

एका नेटकऱ्यानं प्रोमोला कमेंट, 'फराह आणि तिची आई यांना साजिदचा अभिमान का वाटतो? त्यानं काय केलं आहे?' तर दुसऱ्या युझरनं कमेंट केली, 'बिग बॉसमध्ये त्यानी अशी एकही गोष्ट केली नाही, ज्याचा अभिमान वाटेल.'

पाहा प्रोमो: 

 

 

 

 

 

View this post on Instagram

 

 

 

 

 

 

 

 

 

 

 

A post shared by ColorsTV (@colorstv)

बिग बॉसच्या आगामी एपिसोडची प्रेक्षक उत्सुकतेने वाट बघत आहेत. सोमवार ते शुक्रवार रात्री नऊ वाजता प्रेक्षक बिग बॉस हा कार्यक्रम पाहु शकतात. तसेच शनिवारी आणि रविवारी या कार्यक्रमामध्ये सलमान खान येऊन बिग बॉसच्या घरातील सदस्यांची शाळा घेतो. बिग बॉसच्या आगामी एपिसोडमध्ये काय होणार आहे? हे पाहण्यासाठी प्रेक्षक उत्सुक असतात.  

वाचा इतर महत्वाच्या बातम्या: