Ashwini Mahangade: अश्विनी महांगडेच्या हिंदी मालिकेनं घेतला प्रेक्षकांचा निरोप; अभिनेत्री खास पोस्ट शेअर करत म्हणाली, 'मी कायम ऋणी राहीन'
अश्विनीनं (Ashwini Mahangade) हिंदी मालिकेबाबत एक खास पोस्ट सोशल मीडियावर शेअर केली आहे.
Ashwini Mahangade: अभिनेत्री अश्विनी महांगडे (Ashwini Mahangade) ही तिच्या अभिनयानं नेहमीच प्रेक्षकांची मनं जिंकत असते. विविध मालिका आणि चित्रपटांमधून अश्विनी प्रेक्षकांच्या भेटीस येते. अश्विनीनं मराठी मालिकांसोबत हिंदी मालिकेत देखील काम केलं आहे. अश्विनीच्या एका हिंदी मालिकेनं आता प्रेक्षकांचा निरोप घेतला आहे. अश्विनीनं या हिंदी मालिकेबाबत एक खास पोस्ट सोशल मीडियावर शेअर केली आहे.
अश्विनीची पोस्ट
अश्विनीनं मेरे साई या मालिकेतील तिचे काही फोटो सोशल मीडियावर शेअर केले. या फोटोला तिनं कॅप्शन दिलं, 'मेरे साई. परवा या हिंदी मालिकेचा शेवटचा भाग प्रेक्षकांपर्यंत पोहोचवून या मालिकेने समारोप केला. मी साधारण एक वर्ष या मालिकेचा भाग होते. तसे पाहता ही माझी पहिली हिंदी मालिका. खरे तर शब्द उच्चाराचे, पाठांतर होईल न, मला जमेल न अशा अनेक गोष्टींचे दडपण हे होतेच. मी प्रयत्न केले. तेजस्वी ला मी स्वीकारले आणि तिने मला.'
अश्विनीनं या पोस्टच्या माध्यमातून या मालिकेच्या टीमचे देखील आभार मानले. तिनं पुढे पोस्टमध्ये लिहिलं, 'या मालिकेचे दिग्दर्शक सचिन आंब्रे सर थँक्यु. तसे पाहता निर्मिती संस्था, सहकलाकार, लेखक, संकलन विभाग, रंगभूषा, केशभूषा, वेशभूषा, संगीत विभाग, स्पॉट बॉईज आणि रसिक मायबाप प्रेक्षकांपर्यंत सगळेच किती आणि कसे आभार मानायचे. मी कायम ऋणी राहीन.' अश्विनीनं शेअर केलेल्या या पोस्टवर नेटकऱ्यांनी लाइक्स आणि कमेंट्सचा वर्षाव केला आहे.
View this post on Instagram
अश्विनीनं (Ashwini Mahangade) अनेक मालिका आणि चित्रपटांमध्ये काम केलं आहे. स्वराज्य रक्षक संभाजी या मालिकेतील अश्विनीच्या अभिनयाला प्रेक्षकांची पसंती मिळाली. अस्मिता, माधुरी मिडल क्लास कल्पतरू, लक्ष्य, ब्रह्मांडनायक, आणि सावर रे या मालिकांमध्ये देखील अश्विनीनं काम केलं. सध्या ती आई कुठे काय करते या मालिकेमधून प्रेक्षकांच्या भेटीस येत आहे.
अश्विनी ही सोशल मीडियावर अॅक्टिव्ह असते. विविध लूकमधील फोटो अश्विनी सोशल मीडियावर शेअर करते.अश्विनीच्या सोशल मीडियावरील पोस्टला नेटकऱ्यांची पसंती मिळत असते.
इतर महत्वाच्या बातम्या:
Ashwini Mahangade: 'संकटांशी दोन हात करून...'; अश्विनी महांगडेच्या पोस्टनं वेधलं लक्ष
महत्त्वाच्या बातम्या
