Taapsee Pannu : 'माझ्यासोबत निट बोला'; फोटोग्राफर्स अन् तापसीमध्ये तूतू-मैंमैं
Taapsee Pannu : नुकताच तापसीचा एक व्हिडीओ सोशल मीडियावर व्हायरल झाला. या व्हिडीओमध्ये तापसी ही फोटोग्राफर्सवर संतापलेली दिसत आहे.
Taapsee Pannu : तापसी पन्नू (Taapsee Pannu) ही बॉलिवूडमधील प्रसिद्ध अभिनेत्री आहे. तापसी ही वेगवेगळ्या विषयांवर तिचं मत मांडत असते. अनेक वेळा ती लोकांनी विचारलेल्या प्रश्नाला भन्नाट आणि मजेशीर पद्धतीनं उत्तर देते. तापसीच्या 'थप्पड' या चित्रपटातील अभिनयाला प्रेक्षकांची पसंती मिळाली. आता लवकरच तापसीचा दोबारा हा चित्रपट प्रेक्षकांच्या भेटीस येणार आहे. या चित्रपटाचे तापसी सध्या प्रमोशन करत आहे. नुकताच तापसीचा एक व्हिडीओ सोशल मीडियावर व्हायरल झाला. या व्हिडीओमध्ये तापसी ही फोटोग्राफर्सवर संतापलेली दिसत आहे. हा व्हिडीओ सध्या सोशल मीडियावर प्रचंड व्हायरल होत आहे.
तापसी तिच्या दोबारा या चित्रपटाचं प्रमोशन करत आहे. हा चित्रपट 19 ऑगस्ट रोजी रिलीज होणार आहे. चित्रपटाच्या प्रमोशनसाठी तापसी मुंबईमधील एका हॉटेलमध्ये गेली होती. यावेळी फोटोग्राफर्सनं तिचे फोटो काढण्यासाठी गर्दी केली. पण तापसी मात्र या फोटोग्राफर्सवर भडकली. तेथील फोटोग्राफर्सनं देखील तापसीला सडेतोड उत्तर दिलं.
व्हायरल झालेल्या व्हिडीओमध्ये दिसत आहे की, तापसी हॉटेलमध्ये आल्यावर फोटोग्राफर्स तिच्या मागे धावतात. पण तापसी थांबन नाही. तापसीला एक फोटोग्राफर म्हणतो, 'मॅडम आम्ही खूप वेळ थांबलो आहोत.' यावर तापसी म्हणते, 'तुम्ही मला ओरडत का आहात? माझी यात काय चुक? तुम्ही माझ्यासोबत निट बोला.' यावर फोटोग्राफर म्हणतो, 'मॅडम आम्ही तुमच्यासोबत निट बोलत आहोत. आम्ही साडेचार वाजल्यापासून इथे थांबलो आहोत.' व्हिडीओच्या शेवटी दिसते की तापसी म्हणते, 'तुम्हीच नेहमी बरोबर असता. अॅक्टर चुकीचा असतो. काढा फोटो.'
पाहा व्हिडीओ:
View this post on Instagram
तापसी पन्नूने 2012 साली 'चश्मे बद्दूर' या चित्रपटाच्या माध्यमातून बॉलिवूडमध्ये पदार्पण केले. त्यानंतर तिच्या सांड की आंख, बदला, जुडवा 2 आणि बेबी या चित्रपटांना प्रेक्षकांची पसंती मिळाली. तापसीचा ब्लर हा चित्रपट देखील लवकरच प्रेक्षकांच्या भेटीस येणार आहे.
वाचा इतर बातम्या:
महत्त्वाच्या बातम्या
ट्रेंडिंग न्यूज
