Suniel Shetty : 'गुटखा किंग' म्हणणाऱ्या नेटकऱ्याला सुनील शेट्टीनं सुनावले खडे बोल; म्हणाला, 'भाई तू...'

सुनीलनं (Suniel Shetty) त्या नेटकऱ्याला खडे बोल सुनावले.

Suniel Shetty

Suniel Shetty : बॉलिवूडमधील प्रसिद्ध अभिनेता सुनील शेट्टी (Suniel Shetty) सोशल मीडियावर नेहमी अॅक्टिव्ह असतो. वेगवेगळे पोस्ट शेअर करण्यासोबतच तो ट्रोलर्सला देखील सडेतोड उत्तर देतो. नुकतीच एका नेटकऱ्यानं  तंबाखूच्या जाहिरातीचा एक फोटो पोस्ट केला. या फोटोमध्ये अभिनेता अजय देवगन (Ajay Devgn), शाहरुख खान (Shah Rukh Khan) आणि अक्षय कुमार (Akshay Kumar) हे दिसत आहेत. त्या युझरनं या जाहिरातीचा फोटो शेअर करुन अजयला टॅग करण्याऐवजी सुनीलला टॅग केले. नंतर सुनीलनं त्याला खडे बोल सुनावले. या सर्व प्रकरणामुळे त्या नेटकऱ्याला सुनीलची माफी मागावी लागली. 

फोटोला दिलेल्या कॅप्शनमध्ये लिहिले होते, 'एवढ्या जाहिराती पाहून हायवेवर आता गुटखा खाण्याची इच्छा निर्माण होत आहे. ' पुढे त्या नेटकऱ्यानं सुनील शेट्टीला टॅग करुन लिहिले, 'अरे, गुटखा किंग ऑफ इंडिया शाहरुख, अक्षय आणि सुनील तुम्ही देशाला कॅन्सरचा देश बनवत आहात.' नेटकऱ्याच्या या ट्वीटला रिप्लाय करुन सुनील म्हणाला, 'भाई तू तुझा चष्मा अॅडजेस्ट कर किंवा बदल. '

Hey #GutkaKingsofIndia @iamsrk @akshaykumar @SunielVShetty you're kids has to feel shame on you to lead nation in wrong way.
Don't lead India to cancer nation stupids. https://t.co/cYtM7mj6E7

— Moni  (@Moni_krishnaa) May 9, 2022

नेटकऱ्यानं मागितली माफी 
'हॅलो सुनील. सॉरी मला अजय देवगणला टॅग करायचं होतं पण तुझं नाव चुकून टॅग केलं. मी तुझा फॅन आहे त्यामुळे तुझं नावं पहिलं आलं'

सुनीलचा ‘गनी’हा चित्रपट लवकरच प्रेक्षकांच्या भेटीस येणार आहे.  गेल्या वर्षी रिलीज झालेल्या  ‘मुंबई सागा’या चित्रपटामध्ये सुनीलनं महत्त्वाची भूमिका साकारली होती. 

हेही वाचा :