Ghabadkund Smita Paygude Anjute: 'काय रे मरणार ना सगळे...?', गूढ नजर, अंगावर शहारे आणणारं ते हास्य; 'घबाडकुंड'मध्ये 'या' दिग्गज अभिनेत्रीची रहस्यमयी एन्ट्री!
Ghabadkund Smita Paygude Anjute: भुतांच्या भयावह अनुभवांनंतर गाव सोडून नव्या ठिकाणी स्थायिक झालेल्या दिल्याची ही कहाणी 'घबाडकुंड' सिनेमाच्या युनिव्हर्सला अधिक गूढ आणि रोमहर्षक बनवणार आहे.
Ghabadkund Smita Paygude Anjute: ओरस गावातील 'अल्याड-पल्याड'च्या गूढ आणि थरारक घटनांमधून प्रेक्षकांच्या मनात घर करणारा 'दिल्या' आता 'घबाडकुंड' युनिव्हर्समधील नव्या कथेत पुन्हा एकदा भेटणार आहे. भुतांच्या भयावह अनुभवांनंतर गाव सोडून नव्या ठिकाणी स्थायिक झालेल्या दिल्याची ही कहाणी 'घबाडकुंड' सिनेमाच्या युनिव्हर्सला अधिक गूढ आणि रोमहर्षक बनवणार आहे. 'घबाडकुंड' या नव्या सिनेमातून कल्पनेच्या पलीकडचं 'युनिव्हर्स' मराठीत मोठ्या पडद्यावर साकारण्याचा धाडसी प्रयत्न दिग्दर्शक प्रितम एस. के. पाटील यांनी केला असून त्यांच्या या नव्या संकल्पनेला 'आयकॉन दी स्टाईल' संस्थेचे निर्माते डॉ. रसिक कदम यांची साथ लाभली आहे. 'घबाडकुंड' येत्या 19 जूनला प्रेक्षकांच्या भेटीला येत आहे.
अनुभवी थिएटर आर्टिस्ट, कुशल मेकअप आर्टिस्ट तसेच 'आयकॉन दी स्टाईल'च्या संस्थापक सदस्य म्हणून ओळख निर्माण केलेल्या स्मिता पायगुडे अंजुटे (Smita Paygude Anjute) यांनी आपल्या कलात्मक प्रवासात अनेक पैलू यशस्वीपणे हाताळले आहेत. आता 'घबाडकुंड' सिनेमाच्या निमित्तानं एका वेगळ्या आणि गूढ भूमिकेत प्रेक्षकांसमोर येणार आहेत. निर्माते रसिक कदम आणि दिग्दर्शक प्रीतम एस. के. पाटील यांच्या महत्त्वाकांक्षी संकल्पनेतून साकारत असलेला 'घबाडकुंड' हा सिनेमा येत्या 19 जून रोजी प्रेक्षकांच्या भेटीला येणार आहे.
'रंगी' असं त्यांच्या व्यक्तिरेखेचं नाव आहे. सिनेमात ब्लॅक मॅजिक करताना दिसणारी 'रंगी' आपल्या तीक्ष्ण नजरेनं आणि भयावह उपस्थितीनं कथानकात वेगळीच रंगत आणताना दिसणार आहे. "नजरेत धग अन् रग हिच्या अंगी, भल्या-भल्यांना घाम फोडते... नाव हिचं रंगी...!", ही टॅगलाईन त्यांच्या व्यक्तिरेखेचं नेमकं वर्णन करते.
आपल्या भूमिकेबद्दल बोलताना स्मिता सांगतात, 'घबाडकुंड'मधील 'रंगी' ही भूमिका माझ्यासाठी अत्यंत खास आहे. थिएटरमधील अनुभव आणि मेकअप आर्टिस्ट म्हणून मिळालेली समज या व्यक्तिरेखेला आकार देताना खूप उपयोगी पडली’. ब्लॅक मॅजिकच्या पार्श्वभूमीवर उभी राहणारी 'रंगी' ही व्यक्तिरेखा प्रेक्षकांना नक्कीच लक्षात राहील, अशा भावना स्मिता पायगुडे अंजुटे यांनी व्यक्त केल्या.
पाहा व्हिडीओ :
महत्त्वाच्या इतर बातम्या :
महत्त्वाच्या बातम्या
