बिग बॉसच्या घरातून बाहेर येताच प्राजक्ता शुक्रेची पोस्ट; सगळंच सांगितलं, म्हणाली, 'घरातील कर्ण कर्कश्य आवाज...'
Prajakta Shukre Gets Evicted from Bigg Boss Marathi 6: बिग बॉसच्या घरातून बाहेर येताच गायिकेची पोस्ट चर्चेत. पोस्टमधून भावना केल्या व्यक्त.
Prajakta Shukre emotional Instagram post After big boss exit: बिग बॉस मराठीच्या सहाव्या सिझनमधून तगडे स्पर्धकांची एक्झिट होत आहे. काल बिग बॉसच्या घरात एलिमिनेशन झालं. बिग बॉसच्या घरातून प्राजक्ता शुक्रे या गायिकेचा प्रवास संपला. तिनं आपल्या उत्तम खेळातून प्रेक्षकांचं मनोरंजन केलं. मध्यंतरी तिची आणि सोशल मीडिया इन्फ्लुएंसर करण सोनावणेच्या मैत्रीची प्रचंड चर्चा झाली होती. दरम्यान, काल तिचा बिग बॉसच्या घरातील प्रवास संपला. प्रेक्षकांकडून कमी मते मिळाल्यामुळे तिला या खेळातून बाद करण्यात आलं. तिच्या चाहत्यांना निश्चितच मोठा धक्का बसला. काहींनी नाराजीही व्यक्त केली. दरम्यान, प्राजक्ताने बिग बॉसच्या घरातून बाहेर येताच एक पोस्ट शेअर केली आहे. तिची पोस्ट सध्या सोशल मीडियात व्हायरल होत आहे.
प्राजक्ता शुक्रेनं शांत आणि संयमी भूमिका मांडून प्रेक्षकांचं मनोरंजन केलं. तिनं बिग बॉसच्या घरातील खेळाच्या जोरावर एक चाहतावर्ग निर्माण केला आहे. परंतु, काल कमी मतं मिळाल्यामुळे तिला घरातून निरोप घ्यावा लागला. तिनं घरातून बाहेर पडताच इन्स्टाग्रामवर एक पोस्ट शेअर केली आहे. तिनं पोस्टमध्ये म्हटलं की, 'गायक म्हणून सुरु झालेला प्रवास, आज तुमच्या प्रेमामुळे इथपर्यंत येऊन पोहोचला आहे. बिग बॉस (मराठी)च्या घरात जाण्याचे अनेक निकष असतात, पण त्यातला एक कॉमन निकष म्हणजे मनोरंजन'.
'आजवर मी माझ्या गाण्याच्या माध्यमातून तुम्हा सर्वांचं मनोरंजन करत आले आहे. घरातल्या कर्ण कर्कश्य आवाजामध्ये माझा एक आवाज काही काळासाठी शांतता निर्माण करत होता. या गोष्टीचा मला आनंद आहे. बाकी आपली भेट होतच राहिल, परंतु भेटीचं माध्यम वेगळं असेल...सर्वांचे खूप खूप आभार', असं प्राजक्ताने आपल्या पोस्टमध्ये म्हटलं आहे. तिनं ही पोस्ट शेअर करत लक्षवेधी कॅप्शन देखील दिलं आहे.
View this post on Instagram
गायिकेनं पोस्ट शेअर करत कॅप्शनमध्ये लिहिलं की, 'बिग बॉसच्या घरात दिलेल्या प्रेमासाठी सर्वांचे खूप आभार. तुमचा प्रत्येक व्होट, मेसेज आणि प्रत्येक शब्द माझ्यासाठी खूप महत्त्वाचा आहे. बिग बॉसच्या घरातील प्रवास जरी इथे थांबत असला तरी तुमचं प्रेम कायम सोबत राहिल. आपण भेट राहूया..', असं तिनं आपल्या पोस्टच्या कॅप्शनमध्ये म्हटलं आहे. प्राजक्ताच्या पोस्टवर नेटकरी तसेच चाहत्यांनी कमेंट करुन शुभेच्छा दिल्या आहेत. सध्या तिची पोस्ट सोशल मीडियात व्हायरल होत आहे.
महत्त्वाच्या बातम्या
