Shahrukh Khan Lifestyle: शाहरूखनं केला होता लाईफस्टाईलबाबत गौप्यस्फोट; म्हणाला, 'दिवसाला 100 सिगरेट अन् 30 कप ब्लॅक कॉफी...'
शाहरूखनं (Shahrukh Khan) एका मुलाखतीमध्ये त्याला असणाऱ्या व्यसनाबाबत सांगितलं होतं.
Shahrukh Khan : बॉलिवूडमधील प्रसिद्ध अभिनेता शाहरूख खानचा (Shahrukh Khan) चाहता वर्ग मोठा आहे. शाहरूख त्याच्या अभिनयानं नेहमीच प्रेक्षकांची मनं जिंकतो. शाहरूखच्या लाईफस्टाईलबाबत तसेच त्याच्या संपत्तीबाबत जाणून घेण्यासाठी त्याचे चाहते उत्सुक असतात. शाहरूखनं एका मुलाखतीमध्ये त्याला असणाऱ्या व्यसनाबाबत सांगितलं होतं. तसेच अनहेल्दी लाईफस्टाईलबाबत देखील त्यांनी सांगितलं.
2011 मधील एका मुलाखतीमध्ये शाहरूखनं सांगितलं होतं की, तो एक दिवसात 100 सिगरेट आणि 30 कप ब्लॅक कॉफी प्यायचा. या मुलाखतीमध्ये शाहरूखनं त्याला आवडणाऱ्या पादार्थांबाबत देखील सांगितलं. तो म्हणाला, माझे वडील हे दिल्लीमधील एका हॉटेलचे मालक होते. मला पठाणी पदार्थ खूप आवडतात. तसेच माझी आई हैद्राबादी पदार्थ देखील उत्तम पद्धतीनं तयार करत होती. माझी आई मला हातानं भरवत होती.
पुढे शाहरूखनं सांगितलं, 'मला लवकर झोप येतं नाही. मी जवळपास 100 सिगरेट पितो. मी जेवण करायचं देखील विसरून जातो. मला शूटिंग करताना आठवते की मला जेवण करायचं आहे. मी पाणी पण जास्त पित नाही. 30 कप ब्लॅक कॉफी मी पितो. तरी देखील माझे सिक्स पॅक्स अॅब्स आहेत. '
लवकरच शाहरूखचा पठाण हा चित्रपट प्रेक्षकांच्या भेटीस येणार आहे. या चित्रपटामध्ये दीपिका पादुकोण आणि जॉन अब्राहम हे देखील प्रमुख भूमिका साकारणार आहेत.
View this post on Instagram
हेही वाचा :
महत्त्वाच्या बातम्या
