Satluj Crime Thriller Removed From OTT : OTTवर येताच अवघ्या 48 तासांत हटवला दिलजीत दोसांझचा 'हा' जबरदस्त क्राईम थ्रिलर; अभिनेत्याच्या प्रतिक्रियेनं सगळ्यांच्याच भुवया उंचावल्या

या संपूर्ण प्रकरणावर आता दिलजीत दोसांझची पहिली प्रतिक्रिया समोर आली असून, त्याने आपल्या भावना व्यक्त केल्या आहेत.

Diljeet Dosanjh

Source : ABPLIVE AI

Satluj Crime Thriller Removed From OTT: पंजाबी चित्रपटसृष्टीतील सुपरस्टार दिलजीत दोसांझ सध्या त्याच्या 'सतलज' (पूर्वीचे नाव Punjab 95) या बहुचर्चित चित्रपटामुळे चर्चेत आहे. जवळपास दोन दिवसांपूर्वी हा चित्रपट OTT प्लॅटफॉर्मवर प्रदर्शित करण्यात आला होता.'सतलज'ला समीक्षक आणि प्रेक्षकांकडून उत्तम प्रतिसाद मिळाला. मात्र, प्रदर्शित झाल्यानंतर अवघ्या 48 तासांतच हा चित्रपट OTT वरून हटवण्यात आला. त्यामुळे चित्रपटसृष्टीत नव्या चर्चांना उधाण आले आहे. या संपूर्ण प्रकरणावर आता दिलजीत दोसांझची पहिली प्रतिक्रिया समोर आली असून, त्याने आपल्या भावना व्यक्त केल्या आहेत.

काय म्हणाला दिलजीत दोसांझ?

सुमारे तीन वर्षांच्या प्रतीक्षेनंतर दिलजीत दोसांझचा 'सतलज' नुकताच OTT प्लॅटफॉर्म ZEE5 वर प्रदर्शित झाला होता. हा चित्रपट थिएटरमध्ये प्रदर्शित करण्यासाठी निर्मात्यांनी मोठा संघर्ष केला. मात्र, त्यात यश न आल्याने अखेर तो OTT वर रिलीज करण्यात आला.मात्र, प्रदर्शित झाल्यानंतर केवळ 48 तासांतच हा चित्रपट प्लॅटफॉर्मवरून हटवण्यात आला. ZEE5 ने सोशल मीडियावर याबाबत माहिती देताना सांगितले की, भारतातील प्रेक्षकांना ''सतलज'' आता प्लॅटफॉर्मवर पाहता येणार नाही. मात्र, भारताबाहेर राहणाऱ्या प्रेक्षकांसाठी हा चित्रपट उपलब्ध राहणार आहे.चित्रपट हटवल्यानंतर दिलजीत दोसांझने सोशल मीडियावर भावनिक प्रतिक्रिया देत, "प्रवास अजून संपलेला नाही," असे म्हटलं. त्याच्या या प्रतिक्रियेनंतर चाहतेही सोशल मीडियावर प्रतिक्रियांचा पाऊस पडताना दिसत आहे. दरम्यान चित्रपट हटवण्यात का आला याविषयीचे कोणतही स्पष्टीकरण देण्यात आलेलं नाही.

 

Satluj may have paused. But the conversation it started hasn’t.

Thank you for the incredible love.
We hope to bring it back soon.#Satluj pic.twitter.com/Ox3MZIBvlT

— ZEE5Official (@ZEE5India) July 5, 2026

काय आहे ''सतलज''ची कथा?

'सतलज'' हा चित्रपट पंजाबमधील मानवाधिकार कार्यकर्ते जसवंत सिंह खालरा यांच्या आयुष्यावर आधारित आहे. त्यांनी आपल्या धाडस आणि संघर्षाच्या जोरावर दहशतवादाच्या नावाखाली निरपराध नागरिकांच्या फेक एन्काउंटर आणि बेकायदेशीर हत्यांचे प्रकरण जगासमोर आणले होते. त्यांच्या याच संघर्षाची कथा या चित्रपटातून मांडण्यात आली आहे.