Sara Ali Khan : 'मी अशी मुलगी आहे जी मंदिरात जाते आणि बीचवर बिकिनी देखील घालते'; सारा अली खानचं वक्तव्य चर्चेत

नुकत्याच एका मुलाखतीमध्ये सारानं तिच्या वैयक्तिक आयुष्याबद्दल सांगितलं. 

sara ali khan

Sara Ali Khan : बॉलिवूडमधील प्रसिद्ध अभिनेत्री सारा अली खान (Sara Ali Khan) तिच्या अभिनयानं आणि फॅशननं अनेकांची मनं जिंकते. सारा सोशल मीडियावर वेगवेगळ्या लूकमधील फोटो शेअर करत असते. तिचे फोटो नेटकऱ्यांचे लक्ष वेधतात. नुकत्याच एका मुलाखतीमध्ये सारानं तिच्या वैयक्तिक आयुष्याबद्दल सांगितलं. 

काय म्हणाली सारा?

एका मुलाखतीमध्ये सारानं सांगितलं तिला बॉलिवूडमध्ये पदार्पण करुन चार वर्ष झाले. त्यानंतर सारानं स्वत:च्या पर्सनालिटीमध्ये बदल केले. साराला तिच्या सोशल मीडियावरील पोस्टमुळे ट्रोल केले जाते. याबाबत साराला एका मुलाखतीमध्ये विचारण्यात आलं. त्यावेळी ती म्हणाली, 'मी अशी मुलगी आहे जी मंदिरात देखील जाते आणि मला बीचवर बिकीनी घालायाला देखील आवडते.' 

आईपासून दूर राहिल्यावर दु:खी होते सारा
मुलाखतीमध्ये सारानं पुढे सांगितलं की, ती शूटिंगसाठी जेव्हा आईपासून दूर राहते तेव्हा तिला दु:ख होते. तिला बरेच दिवस आईपासून दूर राहायला आवडत नाही. ती म्हणाली, 'मला शूटिंग दरम्यान 45 दिवस आईपासून दूर राहायला आवडत नाही.'मुलाखतीमध्ये सारानं तिच्या बालरणीच्या आठवणींबाबत देखील सांगितलं. 

कॉफी विथ करणमध्ये हजेरी लावणार सारा

कॉफी विथ करणच्या सातव्या सिझनच्या दुसऱ्या एपिसोडमध्ये सारा आणि जाह्नवी या दोघी हजेरी लावणार आहेत. नुकताच या एपिसोडचा प्रोमो व्हिडीओ व्हायरल झाला. प्रोमोमध्ये दिसत आहे की, सारा आणि जाह्नवी करणसोबत त्यांच्या वैयक्तिक आयुष्याबाबत चर्चा करताना दिसत आहेत. प्रोमोमध्ये दिसत आहे की, करण हा साराला विचारतो की, तिला कोणत्या व्यक्तीला डेट करायला आवडेल? यावर सारा म्हणते, 'विजय देवरकोंडा' सारा जेव्हा विजयचं नाव घेते तेव्हा जाह्नवी तिला पाहून हसायला लागते. अक्षय कुमार, समंथा रुथ प्रभू, अनन्या पांडे, विजय देवरकोंडा यांच्यासह अनेक कलाकार कॉफी विथ करण 7 च्या आगामी भागात दिसणार आहेत.

साराचे चित्रपट

सारानं सिम्बा, केदारनाथ, लव्ह आज कल, अतरंगी रे, कुली नंबरः1 या चित्रपटांमध्ये काम केलं आहे. लवकरच तिचा गॅसलाइट हा चित्रपट रिलीज होणार आहे. साराच्या चित्रपटांची वाट प्रेक्षक उत्सुकतेने पाहात असतात. 

हेही वाचा: