RUNWAY 34 Teaser : 35000 फूट उंचावर अजय देवगणचं उड्डाण, ‘रनवे 34’चा जबरदस्त टीझर पाहिलात?
RUNWAY 34 Movie update : अजय देवगण या चित्रपटात पायलटच्या भूमिकेत दिसत आहे, तर ‘बिग बी’ अमिताभ बच्चन एका सरकारी अधिकाऱ्याच्या भूमिकेत दिसणार आहेत.
RUNWAY 34 Teaser Out : सुपरस्टार अजय देवगण (Ajay Devgn) गेल्या काही काळापासून मोठ्या पडद्यावर वेगवेगळ्या प्रकारच्या भूमिका साकारताना दिसत आहे. आता तो पुन्हा नव्या रुपात प्रेक्षकांसमोर आला आहे. मागील बऱ्याच दिवसांपासून अजय देवगण दिग्दर्शित 'रनवे 34' (Runway 34) या चित्रपटाची बरीच चर्चा सुरु होती. आता त्याच्या या चित्रपटाचा दमदार टीझरही रिलीज झाला आहे.
या 48 सेकंदांच्या टीझरच्या सुरुवातीला एक विमान उडताना दिसत आहे, ज्यामध्ये मुसळधार पाऊस आणि खराब हवामानामुळे काही समस्या दिसू लागतात. यानंतर अभिनेत्री रकुल प्रीत सिंह (Rakul Preet Singh) आणि अजय देवगण विमान उडवताना दिसत आहेत. त्यांचे चेहरे पाहून ते कोणत्यातरी मोठ्या संकटात अडकले आहेत, याचा अंदाज लावला जाऊ शकतो. यादरम्यान अजय देवगणला अमिताभ बच्चन (Amitabh Bachchan) यांनी सांगितलेल्या काही गोष्टी आठवू लागतात.
पाहा जबरदस्त टीझर :
‘या’ रिलीज होणार ट्रेलर
अवघ्या 48 सेकंदांच्या या टीझरने प्रेक्षकांमध्ये चांगलीच उत्सुकता वाढवली आहे. यासोबतच 'रनवे 34'चा ट्रेलर 21 मार्चला रिलीज होणार असल्याचं सांगण्यात येत आहे. अजय देवगण या चित्रपटात पायलटच्या भूमिकेत दिसत आहे, तर ‘बिग बी’ अमिताभ बच्चन एका सरकारी अधिकाऱ्याच्या भूमिकेत दिसणार आहेत. या चित्रपटाच्या दिग्दर्शनासोबतच अजयने यात मुख्य भूमिकाही साकारली आहे.
'रनवे 34' या दिवशी रिलीज होणार!
मीडिया रिपोर्ट्सनुसार, 'रनवे 34' एका सत्य घटनेवर आधारित चित्रपट आहे. या चित्रपटाचे कथानक 2015 मध्ये घडलेल्या एका खऱ्या घटनेभोवती फिरते. कुमार मंगत पाठक, विक्रांत शर्मा, हसनैन हुसैनी, संदीप हरीश केवलानी, तरलोक सिंह जेठी आणि जय कनुजिया यांच्या सह-निर्मित या चित्रपटात बोमन इराणी, युट्युबर कॅरी मिनाटी अर्थात अजय नागर आणि आकांक्षा सिंह यांच्याही प्रमुख भूमिका आहेत. 29 एप्रिलला हा चित्रपट प्रदर्शित होणार आहे.
हेही वाचा :
- The Kashmir Files Box Office Collection Day 4: आठवड्याच्या पहिल्या दिवशीही बॉक्स ऑफिसवर दिसली ‘द काश्मीर फाईल्स’ची जादू!
- Alia Bhatt : ‘शेरशाह’साठी कियारा नव्हे आलियाला होती पहिली पसंती!
- Kapil Sharma : खरंच कपिल शर्माने ‘द काश्मीर फाईल्स’चं प्रमोशन करणं टाळलं? पाहा काय म्हणाले अनुपम खेर...
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
