RRR IMDb Rating: ज्युनियर एनटीआर-रामचरणच्या जोडीने प्रेक्षकांवर केली जादू! RRRचे IMDb रेटिंग पाहिलेत?

RRR IMDb Rating: RRR चित्रपटावर समीक्षकांकडून कौतुकाचा वर्षाव होत असतानाच, दुसरीकडे या चित्रपटाला प्रेक्षकांचे भरभरून प्रेमही मिळत आहे.

RRR

RRR IMDb Rating: एसएस राजामौली (SS Rajamouli) दिग्दर्शित ‘RRR’ हा चित्रपट नुकताच प्रदर्शित झाला आहे आणि प्रेक्षकांची खूप वाहवा मिळवत आहे. एकीकडे या चित्रपटावर समीक्षकांकडून कौतुकाचा वर्षाव होत असतानाच, दुसरीकडे या चित्रपटाला प्रेक्षकांचे भरभरून प्रेमही मिळत आहे. सोशल मीडियावरही ‘आरआरआर’ची क्रेझ दिसत आहे. राम चरण (Ram Charan), ज्युनियर एनटीआर (Jr. NTR), आलिया भट्ट (Alia Bhatt) आणि अजय देवगण (Ajay Devgn) स्टारर ‘आरआरआर’ देखील या वर्षातील सर्वात मोठा चित्रपट ठरू शकतो. नुकतेच या चित्रपटाचे IMDb रेटिंग देखील समोर आले आहे.

राजामौलींचा चित्रपट IMDb वर देखील चर्चेत आहे. रिलीजच्या पहिल्याच दिवशी या चित्रपटाला 9.2 IMDb रेटिंग मिळाली आहे. हे रेटिंग साडे सात हजारांहून अधिक लोकांच्या रिव्ह्यूववर आधारित आहे. 7,668 IMDb वापरकर्त्यांपैकी 80.9 टक्के वापरकर्त्यांनी चित्रपटाला 10 स्टार दिलेत, तर 4.9 टक्के लोकांनी 9चे रेटिंग्ज दिले आहे. त्याच वेळी, 8.4% लोकांनी चित्रपटाला रेटिंग देखील दिले आहे. मात्र, या तीन तास सात मिनिटांच्या चित्रपटाच्या रेटिंगमध्ये वाढत्या रिव्ह्यूमुळे येत्या काळात आणखी चढ-उतार पाहायला मिळू शकतात.

‘RRR’ची दमदार ओपनिंग

‘आरआरआर’ हा चित्रपट कलेक्शनच्याबाबतीतही इतिहास रचू शकतो, असे म्हटले जात आहे. चित्रपटाची अॅडव्हान्स बुकिंगच त्याची क्रेझ सर्व काही सांगून जाते. चित्रपटाच्या अॅडव्हान्स बुकिंगनेही इतिहास रचला आहे. या चित्रपटाने पहिल्याच दिवशी 59 कोटींहून अधिकची अॅडव्हान्स बुकिंग केली आहे.

पहिल्याच दिवशी चित्रपट लीक!

‘आरआरआर’ चित्रपटाची प्रेक्षक आतुरतेने वाट पाहत होते. अनेक वेळा रिलीज पुढे ढकलले गेल्यानंतर अखेर हा चित्रपट 25 मार्चला प्रदर्शित झाला आहे. प्रेक्षकांनी चित्रपटाचे आधीच बुकिंग केले आणि पहिल्याच दिवशी चित्रपटगृहे हाऊसफुल्ल झाली. पण, मीडिया रिपोर्ट्सनुसार हा चित्रपट एचडीमध्ये लीक झाला आहे. हा चित्रपट अनेक पायरेटेड साईट्सवर उपलब्ध आहे. याचा या चित्रपटाच्या कलेक्शनवर देखील परिणाम होऊ शकतो. नुकतेच ‘राधे श्याम’ आणि त्याआधी अल्लू अर्जुनचा ‘पुष्पा: द राइज’ देखील पायरसीचे बळी ठरले आहेत.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha