Raja Shivaji: अॅडव्हान्स 'बुकींग'मध्येच 'राजा शिवाजी' चित्रपटाची बाजी, Box Office हादरवलं, किती कोटींचा जमवला गल्ला?
Raja Shivaji Advance Booking Collection: 'राजा शिवाजी' या ऐतिहासिक चित्रपटाची बॉक्स ऑफिसवर घौडदौड सुरू.
Raja Shivaji Movie Advance Booking Collection: आज 1 मे. महाराष्ट्र दिनी रितेश देशमुखचा 'राजा शिवाजी' (Raja Shivaji) हा सिनेमा चित्रपटगृहात रिलीज झाला. या सिनेमाला प्रेक्षकवर्गाकडून भरभरुन प्रतिसाद मिळतो आहे. या ऐतिहासिक सिनेमाचा ट्रेलर रिलीज झाल्यापासून हा चित्रपट पाहण्याची उत्सुकता शिगेला पोहोचली होती. बॉक्स ऑफिस कमाईमध्ये (Box Office) 'राजा शिवाजी' हा सिनेमा नवा विक्रम तयार करणार, असं बोललं जात आहे. मात्र, या चित्रपटाची स्पर्धा इतर सिनेमांशी देखील असणार, हे देखील तितकंच खरं. दरम्यान, या ऐतिहासिक सिनेमाने रिलीजपूर्वीच बॉक्स ऑफिसवर घवघवीत यश मिळवलं आहे. अॅडव्हान्स बुकिंगमध्ये (Advance Booking) या सिनेमाने किती कोटींची कमाई केली, पाहूयात.
अॅडव्हान्स बुकिंगमध्ये 'राजा शिवाजी' या सिनेमाने किती कोटींचा व्यवसाय केला? (Raja Shivaji Marathi and Hindi version ticket sales)
रितेश देशमुख दिग्दर्शित आणि अभिनीत 'राजा शिवाजी' या सिनेमाने अॅडव्हान्स बुकिंगमध्ये सर्वांना थक्क केलंय. मराठी भाषेमधील या सिनेमाचे लाखो तिकिटे विकली गेली आहेत. हा चित्रपट येत्या दिवसांत जोरदार मुसंडी मारेल, अशी शक्यता वर्तवली जात आहे.
सकाळपासून या सिनेमाला प्रेक्षकांची पसंती मिळत असल्याची माहिती आहे. सॅकनिल्कच्या रिपोर्ट्सनुसार, अॅडव्हान्स बुकिंगमध्ये या सिनेमाची 201,990 तिकीटांची विक्री झाली आहे. मराठी व्हर्जनमधून या सिनेमाने 4.26 कोटींचा व्यवसाय केला असल्याची माहिती आहे. तर, हिंदी व्हर्जनमध्ये या सिनेमाने 85 लाखांची कमाई केली आहे, अशी आकडेवारी समोर आली आहे. माहितीनुसार, नियोजित शोची एकूण संख्या 5698 इतकी आहे.
View this post on Instagram
'राजा शिवाजी' या चित्रपटानं मराठी व्हर्जनमध्ये चांगली कमाई केली. परंतु, मराठी व्हर्जनच्या तुलनेत हिंदी व्हर्जनच्या बॉक्स ऑफिस कमाईत घट झाली आहे.या सिनेमाची प्रमुख शहरांमधील आकडेवारी समोर: मुंबई - 1.89 कोटी, पुणे, 1.26 कोटी, सांगली - 2.62 लाख, कोल्हापूर - 7.79 लाख, औरंगाबाद - 10.9 लाख, नागपूर - 719 लाख. अशी आकडेवारी समोर आली आहे. दरम्यान, 'राजा शिवाजी' हा सिनेमा बॉक्स ऑफिसवर वर्जस्व गाजवणार का? हे पाहणं महत्त्वाचं ठरेल.
महत्त्वाच्या इतर बातम्या:
महत्त्वाच्या बातम्या
