Rang Majha Vegla : ‘.. म्हणून आम्ही गरीब झालो, माझे बाबा दूर गेले!’, कार्तिक दीपिकाला सांगणार कार्तिकचं सत्य!

Rang Majha Vegla : कार्तिकी कार्तिकशी बोलत नसल्याने दीपिका आणि तिचे सतत खटके उडत आहेत. याची आता शाळेत आणि मैत्रिणींमध्ये देखील याची चर्चा सुरु आहे.

Rang Majha Vegla

Rang Majha Vegla : छोट्या पडद्यावरील लोकप्रिय मालिका ‘रंग माझा वेगळा’ (Rang Maza Vegla) सध्या प्रेक्षकांचे भरपूर मनोरंजन करत आहे. मालिकेत सध्या बरेच ट्विस्ट आणि कथेतील वळणं पाहायला मिळत आहेत. सध्या दीपा आणि कार्तिक यांच्या नात्यात बरीच उलथापालथ होत आहे. आयेशामुळे या दोघांच्या नात्यात आणखी फूट पडली होती. कार्तिकमुळे आपल्या आईला होणारा त्रास पाहून चिमुकली कार्तिकी देखील कार्तिकचा दुस्वास करू लागली आहे. याचा परिणाम आता दीपिका आणि कार्तिकीच्या मैत्रीवर देखील परिणाम होत आहे.

कार्तिकी कार्तिकशी बोलत नसल्याने दीपिका आणि तिचे सतत खटके उडत आहेत. याची आता शाळेत आणि मैत्रिणींमध्ये देखील याची चर्चा सुरु आहे. त्यामुळे शाळेच्या मॅडम दीपा आणि कार्तिकला बोलावून या संदर्भात विचारणा करतात. तर, या दोघींमधलं भांडण मिटवलं पाहिजे आणि पुन्हा त्यांचा समेट घडवून आणला पाहिजे, त्यांची मैत्री टिकवली पाहिजे, असं त्या म्हणतात. यासाठी दोघींना कुटुंबासारखं वातावरण मिळालं पाहिजे असं देखील सुचवतात.

दीपाची ‘इनामदारां’च्या घरात एण्ट्री!

सौंदर्या इनामदारने बोल लगावल्यानंतर आता राधा आईच्या वागणुकीत बदल झाला आहे. इतकी वर्ष दीपाचा दुस्वास करणारी राधा आता तिची माफी मागून पुन्हा एकदा तिला इनामदारांच्या घरात घेऊन आली आहे. श्वेताची काळजी घ्यायला दीपा इतकं जवळचं कुणीच नाही, असं म्हणत ती दीपाला इनामदारांच्या घरात घेऊन आली आहे. दीपा आता इनामदारांच्या घरात श्वेताची काळजी घेते आहे. ही गोष्ट आता दिपीकाकडून कार्तिकीला कळणार आहे. यानंतर आता कार्तिकी देखील या घरात परत येणार आहे.

कार्तिकी दीपिकाला सांगणार सत्य!

कार्तिकीने अचानक कार्तिकशी बोलणं टाकल्याने दीपिका देखील तिच्यावर नाराज झाली आहे. या मागचं कारण कळत नसल्याने ती देखील अस्वस्थ झाली आहे. मात्र, आता दीपा घरात येत असल्याने दीपिका देखील इनामदार कुटुंबात सामील होणार आहे. यावेळी घरी आलेली कार्तिकी दीपिकाला आपण कार्तिकशी का बोलत नाही, याचं कारण सांगते. ‘तुझ्या डॅडामुळे आम्ही बरबाद झालो, त्यांच्यामुळे आम्ही गरीब झालो आणि माझे बाबा दूर गेले’, असं कार्तिकी दीपिकाला सांगते. मात्र, यावर तिचा विश्वास बसत नाही. यावेळी ही गोष्ट कुणालाच सांगणार नाहीस, असं वचन कार्तिकी दीपिकाकडून घेते. आता या दोघींसमोर सत्य येणार का, याकडे प्रेक्षकांचे लक्ष लागले आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha