Rang Majha Vegla : दीपिका-कार्तिकी मिळून आई-बाबांचा शोध घेणार! बहिणी असल्याचं सत्य अखेर समोर येणार?

Rang Majha Vegla : मालिकेत सध्या अनेक वळणं येत आहेत. मात्र, समोर येणाऱ्या प्रत्येक परिस्थितीशी या बहिणी मिळून सामना करत आहेत.

Rang Majha Vegla

Rang Majha Vegla : स्टार प्रवाहच्या ‘रंग माझा वेगळा’ (Rang Majha Vegla) या मालिकेने चाहत्यांचा मनात घर केले आहे. मालिकेतील चिमुकल्या दीपिका आणि कार्तिकीची मैत्री प्रेक्षकांना भावली आहे. मालिकेत सध्या अनेक वळणं येत आहेत. मात्र, समोर येणाऱ्या प्रत्येक परिस्थितीशी या बहिणी मिळून सामना करत आहेत. एकीकडे कार्तिकीकडे बाबा नाहीत, तर दुसरीकडे दीपिकाला आपण अनाथ असल्याचं कळलं आहे.

सध्या मालिकेत दीपिका घर सोडून दीपाच्या घरी जाताना दाखवली आहे. आता मालिकेत पुन्हा एकदा नवा ट्विस्ट येणार आहे. दीपिका दीपाकडे राहायला गेली म्हणून आता सौंदर्या कार्तिकीला इनामदारांच्या घरी घेऊन जाणार आहे. यावेळी दीपिका दीपाच्या जवळ येणार आहे तर, कार्तिकसोबत राहायला गेलेली कार्तिकी देखील पुन्हा त्याच्याशी मैत्री करणार आहे. यावेळी दोघीही आपल्याल आई-वडील हवे होते, अशी इच्छा व्यक्त करणार आहेत.

लेकी करणार आई-बाबाकडेच हट्ट!

यावेळी दीपिका दीपाला म्हणते, ‘मी माझ्या आईला कधीच पहिले नाही. मी अनाथ आहे. पण मला तुझ्यासारखीच आई हवी होती. तुझ्यासारखी आई आणि डॅडासारखे बाबा.’ तर, दुसरीकडे कार्तिकी कार्तिकला म्हणते, ‘फ्रेंड तू मला खूप आवडतोस, तू बेस्ट बाबा आहेस. मलासुद्धा तुझ्यासारखा बाबा हवा होता.’

दीपिका-कार्तिकी मिळून आई-बाबांचा शोध घेणार!

या सगळ्यात पुन्हा एक धक्कादायक सत्य या दोघींना कळलं आहे, ते म्हणजे कार्तिक हा कार्तिकीचा बाबा आहे. आता या दोघी मिळून दीपिकाच्या आई वडिलांचा शोध घेणार आहेत. यावेळी दीपिका म्हणते माझा डॅडाचं तुझा बाबा आहे हे कळलं, पण मी तर अनाथ आहे. माझे आई-बाबा कोण असतील? तर, कार्तिकी तिला म्हणते, आपण दोघी मिळून याचा शोध घेऊ.

आता पुन्हा एकदा श्वेता तिची नवी चाल खेळणार आहे. यावेळी श्वेताचे बोल दीपिका ऐवजी कार्तिकीच्या कानावर पडणार आहेत. श्वेता एका फोनवर दीपिका ही दीपाची म्हणजेच माझ्या बहिणीची मुलगी असल्याचं सांगणार आहे. तर, दाराजवळ उभ्या असणाऱ्या कार्तिकीला श्वेता आपली मावशी आणि दीपिका आपली बहिण असल्याचं कळणार आहे. आता हे सत्य समोर आल्यानंतर दोघींच्याही आयुष्यात एक मोठं वादळ येणार आहे.

हेही वाचा :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha