एक्स्प्लोर

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या

Entertainment News : दिवसभरातील पाच महत्त्वाच्या मनोरंजनविषयक बातम्यांचा घेतलेला आढावा.

Written By : एबीपी माझा वेब टीम | Edited By: मंजिरी पोखरकर | Updated at : 06 Apr 2022 08:53 PM (IST)

TOP_5_Entertainment_News

TOP 5 Entertainment News : दिवसभरातील पाच महत्त्वाच्या मनोरंजनविषयक बातम्या -

आलिया-रणबीर 17 एप्रिलला पंजाबी रितीरिवाजांनुसार अडकणार लग्नबंधनात

आलिया भट्ट आणि रणबीर कपूर सध्या चर्चेत आहेत. 13 एप्रिलला मेहंदीपासून त्यांच्या लग्नसोहळ्याची सुरुवात होणार आहे. चेंबूरच्या 'आरके हाऊस'मध्ये त्यांचा शाही विवाहसोहळा पार पडणार आहे. 17 एप्रिलला आलिया-रणबीर पंजाबी रितीरिवाजानुसार लग्नबंधनात अडकणार आहेत. तर हनिमूनला स्वित्झर्लंडला जाणार आहेत.

'भारत माझा देश आहे' सिनेमाचे पोस्टर रिलीज

'अहिंसा परमो धर्म' अशी टॅगलाईन असलेला पांडुरंग कृष्णा जाधव दिग्दर्शित 'भारत माझा देश आहे' या चित्रपटाच्या प्रदर्शनाची तारीख नुकतीच जाहीर झाली असून आता या चित्रपटाचे पोस्टर प्रेक्षकांसमोर आले आहे. नावावरूनच हा चित्रपट देशभक्तीवर आधारित आहे, हे कळतेय. एबीसी क्रिएशन प्रस्तुत, डॉ. आशिष अग्रवाल निर्मित हा चित्रपट येत्या 6 मे रोजी प्रेक्षकांच्या भेटीला येत आहे.

समंथा रुथ प्रभूच्या 'यशोदा'ची रिलीज डेट जाहीर

दाक्षिणात्य अभिनेत्री समंथा रुथ प्रभूचा 'यशोदा' सिनेमा लवकरच प्रेक्षकांच्या भेटीला येणार आहे. नुकतीच या सिनेमाची रिलीज डेट जाहीर करण्यात आली आहे. हा सिनेमा 12 ऑगस्टला जगभरातील सिनेमागृहात प्रदर्शित होणार आहे. हा सिनेमा तेलुगू, तामिळ, कन्नड, मल्याळम आणि हिंदी भाषेत प्रदर्शित होणार आहे.

12 वर्षानंतर उर्मिला कोठारेचं छोट्या पडद्यावर कमबॅक

अभिनेत्री उर्मिला कोठारे तब्बल 12 वर्षांनंतर 'तुझेच मी गीत गात आहे' या मालिकेतून छोट्या पडद्यावर दमदार कमबॅक करणार आहे. वैदेही असं तिच्या पात्राचं नाव असून ती स्वराच्या आईची भूमिका साकारणार आहे. 'तुझेच मी गीत गात आहे' ही मालिका 2 मे पासून प्रेक्षकांच्या भेटीस येणार आहे.

'पावनखिंड'सिनेमाचा 'या' दिवशी होणार वर्ल्ड टेलिव्हिजन प्रीमिअर

'पावनखिंड' सिनेमा प्रेक्षकांच्या पसंतीस उतरत आहे. बॉक्स ऑफिसवर या सिनेमाने चांगलाच धुमाकूळ घातला होता. 18 फेब्रुवारीला 'पावनखिंड' सिनेमा सिनेमागृहात प्रदर्शित झाला होता. आता 12 जूनला 'पावनखिंड' सिनेमाचा वर्ल्ड टेलिव्हिजन प्रीमिअर होणार आहे. हा सिनेमा 15 मे पासून सुरू होणाऱ्या 'प्रवाह पिक्चर' या नव्या वाहिनीवर दाखवला जाणार आहे.

संबंधित बातम्या