Rang Majha Vegla : इनामदारांच्या घरी न जाण्याचा दीपिकाचा निर्धार, दीपाच आपली आई असल्याचं सत्य तिला कळणार?

Rang Majha Vegla : आपल्याबद्दलच्या या गोष्टी ऐकून दीपिकाला मोठा धक्का बसला आहे. यानंतर आता दीपिकाने इनामदारांचे घर सोडण्याचा निर्णय घेतला आहे.

Rang Majha Vegla

Rang Majha Vegla : स्टार प्रवाहवरील मालिका ‘रंग माझा वेगळा’ (Rang Majha Vegla) या मालिकेत सध्या अनेक ट्विस्ट आणि टर्न्स येत आहेत. मालिकेत आता दीपिकाला कळलं आहे की, आपण अनाथ असून आपले नातेवाईक खरे नातेवाईक नाहीत. सध्या मालिकेत अनेक वळणं येत आहेत. यामुळे ही मालिका सध्या प्रेक्षकांमध्ये चर्चेचा विषय बनली आहे. या मालिकेतील सतत बदलते ट्रॅक आणि कथेतील ट्विस्ट मालिकेची रंगत वाढवत आहेत. शिवाय यातील कलाकारांच्या अभिनयाने देखील प्रेक्षकांना भुरळ घातली आहे.

श्वेता आणि आयेशा दीपिका आणि दीपा यांना त्रास देण्याची एकही संधी सोडत नाहीयेत. घरात काम कार्याला येणाऱ्या दीपासोबत दीपिका देखील घराबाहेर जावी, यासाठी आता त्या दोघी नवा प्लॅन बनवत आहेत. दीपिका जवळून जात असल्याचे लक्षात येताच श्वेता मुद्दाम मोठ्याने फोनवर बोलू लागते. दीपिकाला ऐकू जाईल अशा आवाजात श्वेता म्हणते, दीपिका अनाथ मुलगी आहे. तिचा डॅडा आणि आजी हे तिचे नातेवाईक नाहीत. हे ऐकून दीपिकाला धक्का बसतो.

दीपिकाने घेतला घर सोडण्याचा निर्णय!

आपल्याबद्दलच्या या गोष्टी ऐकून दीपिकाला मोठा धक्का बसला आहे. यानंतर आता दीपिकाने इनामदारांचे घर सोडण्याचा निर्णय घेतला आहे. यावेळी रागाने घराबाहेर पडलेली दीपिका कार्तिकीच्या घरी पोहचते. इथे आल्यावर ती कार्तिकीला आपल्या मनातील सगळ्या गोष्टी सांगते. यावेळी दीपिका देखील कार्तिकीला कार्तिकशी का बोलत नाही, यामागचं कारण सांगते. दोघींचं हे बोलणं दीपा दरवाज्याबाहेर उभं राहून ऐकते.

दीपिका आणि कार्तिकीची समजूत काढल्यानंतरही दीपिका तिथून निघून जाते आणि तिला किडनॅप केल्याप्रकरणी दीपाला अटक होते. आता दीपाला पोलीस स्टेशनमधून बाहेर काढण्यासाठी दीपिका पुन्हा येणार आहे. मात्र यावेळी तिने आपण इनामदारांच्या घरात जाणार नाही, असा निर्धार केला आहे. यावेळी ती दीपाला म्हणते की, मी घरी जाणार नाही, मी तुझ्या घरी येऊ का?’ आता दीपिकाची समजूत काढेपर्यंत दीपा तिला आपल्या घरी घेऊन जाणार आहे. आता दीपाच आपली आई असल्याचं सत्य दीपिकाला कळणार का? याकडे सर्वांचेच लक्ष लागले आहे. मात्र, यानिमित्ताने अनेक वर्षांनी ताटातूट झालेल्या मायलेकी एकमेकींना भेटणार आहेत.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha