Babita Kapoor Birthday : घटस्फोट नाही तरीही बबिता आणि रणधीर कपूर राहातात वेगळे; कारण माहितीये?

बबिता कपूर (Babita Kapoor) यांचा आज 74 वा वाढदिवस आहे.

karisma kapoor,Babita Kapoor,Randhir Kapoor,Kareena kapoor

Babita Kapoor Birthday : प्रसिद्ध अभिनेत्री बबिता कपूर (Babita Kapoor) यांचा आज 74 वा वाढदिवस आहे. बबिता या त्यांच्या अभिनयाबरोबरच वैयक्तिक आयुष्यामुळे देखील चर्चेत असतात. त्यांनी 1971 मध्ये रणधीर कपूर यांच्यासोबत लग्नगाठ बांधली. रणधीर कपूर (Randhir Kapoor) आणि बबिता यांची ओळख 1960 मध्ये  संगम या चित्रपटाच्या सेटवर झाली. त्यानंतर अनेकवेळा त्यांची भेट झाली. त्या दोघांच्या लव्ह स्टोरीबाबत रणधीर कपूर यांचे वडील राज कपूर यांना कळाले. त्यानंतर त्यांनी रणधीर यांना बबितासोबत लग्न कधी करणार असा प्रश्न विचारला. रणधीर यांनी काही दिवसांपूर्वी द कपिल शर्मा या शोमध्ये हजेरी लावली. या शोमध्ये त्यांनी सांगितले की, बबिता आणि त्यांनी लग्नाबाबत कोणताही विचार केला नव्हता. पण 6 डिसेंबर 1971 रोजी कुटुंबाच्या सांगण्यावरून दोघांनी लग्न केले. 

लग्नानंतर बबिता यांनी अभिनय क्षेत्रात काम करणं बंद केलं. बबिता आणि रणधीर कपूर यांनी करिश्मा आणि करिना या दोन मुली आहे. या दोघीही बॉलिवूडमधील प्रसिद्ध अभिनेत्री आहेत. 80 च्या दशकातील रणधीर कपूर यांच्या चित्रपटांना प्रेक्षकांची पसंती मिळत नव्हाती. त्यामुळे रणधीर यांना दारू प्यायची सवय लागली. एका मुलाखतीमध्ये रणधीर कपूर यांनी सांगितलं होतं की दारूच्या व्यसनामुळे बबिता आणि त्यांच्या नात्यामध्ये दुरावा निर्माण झाला. त्यानंतर बबिता यांनी रणधीर यांच्यासोबत न राहता मुलींसोबत राहण्याचा निर्णय घेतला. 1988 पासून दोघे वेगळं राहात आहेत. 

रणधीर यांनी एका मुलाखतीमध्ये सांगितलं होतं की, 'आम्ही घटस्फोट घेणार नाही. मला आणि बबिता यांना दुसरे लग्न करायचे नाही. मग आम्ही घटस्फोट का घेऊ?'

संबंधित बातम्या