Shamshera : दरमदार टीझरसह रणबीर कपूरच्या ‘शमशेरा’ची रिलीज डेट जाहीर, संजय दत्तही दिसणार महत्त्वाच्या भूमिकेत
Shamshera Update : रणबीर कपूर (Ranbir Kapoor), संजय दत्त (Sanjay Dutt) आणि वाणी कपूर (Vani Kapoor) यांच्या प्रमुख भूमिका असलेल्या शमशेराची रिलीज डेट जाहीर करण्यात आली आहे. चित्रपटाच्या प्रदर्शनाच्या तारखेच्या घोषणेसोबतच नवा टीझरही रिलीज करण्यात आला आहे.
Shamshera Teaser : रणबीर कपूर (Ranbir Kapoor), संजय दत्त (Sanjay Dutt) आणि वाणी कपूर (Vani Kapoor) यांची मुख्य भूमिका असलेला 'शमशेरा' (Shamshera) हा चित्रपट बऱ्याच दिवसांपासून चर्चेत आहे. चाहते या चित्रपटाच्या प्रदर्शनाची बऱ्याच दिवसांपासून वाट पाहत होते. अखेर, चित्रपटाच्या टीझरसह, त्याची रिलीज डेट जाहीर करण्यात आली आहे. रणबीरचा हा चित्रपट 22 जुलै रोजी थिएटरमध्ये प्रदर्शित होणार आहे.
'शमशेरा'च्या या टीझरमध्ये चित्रपटाचे मुख्य कलाकार म्हणजे संजय दत्त, वाणी कपूर आणि रणबीर कपूर दिसत आहेत. हा चित्रपट स्वातंत्र्यपूर्व काळातील एका डाकूची कथा सांगणारा आहे, ज्यामध्ये रणबीर कपूर मुख्य भूमिकेत दिसणार आहे. यापूर्वी हा चित्रपट 18 मार्च 2022 रोजी प्रदर्शित होणार होता. परंतु, कोरोना विषाणूचा वाढता प्रभाव पाहता पुन्हा एकदा त्याचे प्रदर्शन पुढे ढकलण्यात आले.
पाहा चित्रपटाचा टीझर:
हिंदीशिवाय 'शमशेरा' तामिळ आणि तेलगू भाषांमध्येही प्रदर्शित होणार आहे. यशराज फिल्म्सच्या निर्मिती अंतर्गत निर्मित या चित्रपटाचे दिग्दर्शन करण मल्होत्रा यांनी केले आहे.
करण मल्होत्रा दिग्दर्शित या चित्रपटाची कथा 1800च्या उत्तरार्धावर आधारित आहे. सिनेमात डाकू आदिवासी आपल्या हक्क आणि स्वातंत्र्यासाठी इंग्रजांशी लढताना दिसणार आहेत. या चित्रपटात रणबीर कपूर, वाणी कपूर आणि ज्येष्ठ अभिनेते संजय दत्त यांच्याही प्रमुख भूमिका आहेत. यशराज फिल्म्सच्या बॅनरखाली या चित्रपटाची निर्मिती करण्यात आली आहे.
हेही वाचा :
- Yami Gautam : 'A Thursday' सिनेमाचा टीझर आऊट, यामी गौतमचा अनोखा अंदाज
- Rashmika Mandanna : थिएटरमध्ये बसून रश्मिका मंदान्ना शिट्टी वाजवते तेव्हा...
- कौतुकास्पद! सोनू सूदनं अपघातात जखमी झालेल्या तरूणाची केली मदत, मोठा अनर्थ टळला
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
