Ramayan Yash Ravan: 4000 कोटींच्या रामायणमध्ये रावण साकारताना अभिनेता सेटवर करायचा 'ही' एक गोष्ट; वजनदार मुकूट चढवून...
रावणाची भूमिका साकारताना सेटवर तो एक खास गोष्ट करायचा ज्यामुळे त्याला त्या पात्रात लगेच शिरकाव करता यायचा, तो नेमकं काय करायचा? हे त्याने अलीकडेच उलगडलं आहे.
Ramayan Yash on Ravan : एका शतकाहून अधिक काळापासून भारतीय चित्रपटसृष्टीने रामायणाची कथा वेगवेगळ्या माध्यमातून प्रेक्षकांपर्यंत पोहोचवली आहे. मूक पटांच्या काळापासून ते बॉलीवूड पर्यंत अनेकांनी हे महाकाव्य मोठ्या पडद्यावर अगणित वेळा पुन्हा पुन्हा सांगितले आहे. सध्या नितेश तिवारी दिग्दर्शित 'रामायण' या चित्रपटाची सगळीकडे एकच चर्चा आहे. 4000 कोटींचं बजेट असणाऱ्या या चित्रपटाचा नुकताच ट्रेलर लॉन्च झाला होता. प्रेक्षकांच्या भेटीला लवकरच हा ट्रेलर येणार असल्यामुळे आणखीनच उत्सुकता शिगेला पोहोचली आहे. या चित्रपटातील स्टार कास्टची ही जोरदार चर्चा असून रावणाची भूमिका साकारणारा अभिनेता यश प्रेक्षकांचे लक्ष वेधून घेत आहे. रावणाच्या भूमिकेला न्याय देण्यासाठी यशने केवळ लूकवर नाही, तर रावणाच्या मानसिकतेवरही विशेष मेहनत घेतलाच त्याने अलीकडेच दिलेल्या मुलाखतीत सांगितलं. रावणाची भूमिका साकारताना सेटवर तो एक खास गोष्ट करायचा ज्यामुळे त्याला त्या पात्रात लगेच शिरकाव करता यायचा, तो नेमकं काय करायचा? हे त्याने अलीकडेच उलगडलं आहे. रिव्ह्यू नेशनला दिलेल्या मुलाखतीत या भूमिकेच्या तयारीविषयी त्याने खुलासा केलाय.
रावणाच्या भूमिकेत शिरण्यासाठी करायचा 'ही' खास गोष्ट
अभिनेता यश टॉक्सिक आणि रामायण या दोन चित्रपटातून या वर्षी प्रेक्षकांसमोर येणार आहे. या भूमिकेच्या तयारी विषयी बोलताना तो म्हणाला 'जेव्हा मी रावणाचा भव्य आणि वजनदार मुकुट चढवून सेटवर यायचो, त्यावेळी आपोआप त्या पात्रात शिरायचो. पण त्या वातावरणात कायम राहण्यासाठी मी सेटवर मोठे स्पीकर्स आणायचो.आणि मोठ्या आवाजात भगवान शिवाची भक्तीगीते लावायचो.रावण हा शिवाचा मोठा भक्त होता. त्यामुळे त्या संगीतामुळे मी त्या भूमिकेत पूर्णपणे तल्लीन व्हायचो ' असं त्यानं सांगितलं. या गाण्यांचा आणि संगीताचा आवाज एवढा मोठा असायचा की सेटवर कोणालाही सहजपणे बोलता येत नसे, असंही त्यानं सांगितलं. यश मी सांगितलं दिग्दर्शक नितेश तिवारी अनेकदा त्याच्या या सवयीची गंमत करायचे. अभिनेता रणबिर कपूरनेही याबाबत बोलताना म्हटलं 'सेटवर गाणी लावताच संपूर्ण वातावरण आणि एनर्जी बदलून जायची'..
कधी येणार रामायणचा ट्रेलर ?
खरंतर रामायणचा अधिकृत ट्रेलर 24 जुलै रोजी प्रदर्शित होणार होता.मात्र देशातील विद्यार्थी आंदोलन आणि सोनी पिक्चर्स सोबतच्या वितरण प्रक्रियेमुळे ट्रेलरचे प्रदर्शन पुढे ढकळण्यात आल्याचा सांगण्यात आलं.आता हा ट्रेलर ३० जुलै रोजी प्रदर्शित होणार असल्याचं बोललं जात आहे.रामायण चा पहिला भाग यंदाच्या दिवाळीत येणार असून दुसरा भाग 2017 मधील दिवाळीत जगभरात प्रदर्शित होणार आहे.
महत्त्वाच्या बातम्या
