Rajpal Yadav Cheque Bounce Case: 'शिक्षणाच्या अभावामुळे राजपाल यादवसोबत सगळं घडलंय...'; दिग्गज दिग्दर्शकाचं दावा, नेमकं काय म्हणाला?
Rajpal Yadav Cheque Bounce Case: आर्थिक अडचणीचा सामना करत असलेल्या आपल्या सहकाऱ्यासाठी बॉलिवूडकरांनी मदतीचा हात पुढे केला आहे. तर, अनेकांनी राजपाल यादवला जाहीर पाठींबा दिला आहे.
Rajpal Yadav Cheque Bounce Case: बॉलिवूड (Bollywood News) अभिनेता राजपाल यादव (Rajpal Yadav) सध्या आर्थिक अडचणीच्या फेऱ्यात अडकला आहे. याप्रकरणी अभिनेत्यानं तिहार तुरुंगात सरेंडरही केलंय. अशातच आर्थिक अडचणीचा सामना करत असलेल्या आपल्या सहकाऱ्यासाठी बॉलिवूडकरांनी मदतीचा हात पुढे केला आहे. तर, अनेकांनी राजपाल यादवला जाहीर पाठींबा दिला आहे.
जुन्या चेक बाउन्स आणि कर्ज प्रकरणासंदर्भात राजपाल यादववर कायदेशीर कारवाई करण्यात आली आहे. हा खटला त्यांच्या दिग्दर्शनातील 'आता पता लपता' (2010) या सिनेमाशी संबंधित आहे. त्यांनी चित्रपटाच्या निर्मितीसाठी पैसे उधार घेतले होते, पण आता सिनेमा बॉक्स ऑफिसवर यशस्वी होऊ शकला नाही आणि कर्ज न फेडल्यामुळे प्रकरण न्यायालयात पोहोचलं.
मैत्री की रणनिती?
दिग्दर्शक प्रियदर्शन यांनी सांगितलं की, ते राजपाल यादवला जवळपास 20 वर्षांपासून ओळखतात आणि त्यांनी अनेक चित्रपटांमध्ये एकत्र काम केलं आहे. त्यांच्या मते, राजपाल एक मेहनती आणि दयाळू व्यक्ती आहे, पण त्याच्या शिक्षणाच्या आणि कायदेशीर ज्ञानाच्या अभावामुळे त्यानं एक गंभीर चूक केली, ज्यामुळे त्याच्यावर सध्याची परिस्थिती ओढवली आहे. सर्वात महत्त्वाचे म्हणजे, प्रियदर्शन यांनी त्याच्या पुढच्या सिनेमाच्या निर्मात्यांकडून राजपाल यादवच्या मानधनात वाढ करण्याची मागणी केली. सध्याच्या आर्थिक आणि कायदेशीर अडचणी लक्षात घेता, राजपालला अधिक मोबदला मिळायला हवा, असंही त्यांनी सांगितलंय.
राजपाल यादवच्या अडचणी वाढवणारं प्रकरण नेमकं काय?
हे प्रकरण 2010 सालचे आहे, जेव्हा राजपाल यादवनं त्याच्या दिग्दर्शनात पदार्पण केलेल्या 'आता पता लापता' या चित्रपटासाठी सुमारे 5 कोटी रुपयांचं कर्ज घेतलं होतं. हा चित्रपट बॉक्स ऑफिसवर फ्लॉप झाला आणि कर्जाची परतफेड झाली नाही. व्याज आणि दंडासह ही रक्कम सुमारे 9 कोटी रुपयांपर्यंत पोहोचली. राजपाल आणि त्यांच्या पत्नीनं दिलेले एक नाहीतर, अनेक चेक बाउन्स झाले, ज्यामुळे त्यांच्याविरुद्ध अनेक खटले दाखल झाले आहेत.
राजपालच्या मदतीसाठी सरसावले बॉलिवूडकर
2018 मध्ये, न्यायालयाने त्यांना दोषी ठरवले आणि सहा महिन्यांच्या तुरुंगवासाची शिक्षा सुनावली. दिल्ली उच्च न्यायालयानं त्यांना अनेक वेळा मुदतवाढ दिली, पण पैसे न भरल्यामुळे त्यांना फेब्रुवारी 2026 मध्ये आत्मसमर्पण करण्याचे आदेश देण्यात आले. 5 फेब्रुवारी रोजी राजपाल यादव यांना तिहार तुरुंगात पाठवण्यात आले. या कठीण काळात, सोनू सूद, इंद्रजीत आणि निर्माता इंद्रजीत सिंह यांच्यासह अनेक सेलिब्रिटी आर्थिक मदत देण्यासाठी पुढे आले आहेत.
महत्त्वाच्या इतर बातम्या :
महत्त्वाच्या बातम्या
