Punjabi Singer Inder Kaur: गन पॉईंटवर किडनॅप केलं, 6 दिवस बेपत्ता असलेल्या सुप्रसिद्ध गायिकेचा दुर्दैवी अंत, कालव्यात सापडला मृतदेह

Punjabi Singer Inder Kaur Found Dead: कॅनडाहून आलेल्या एका व्यक्तीनं इंदर कौरला लग्नाची मागणी घातलेली, पण तिनं त्याला नकार दिल्यामुळे त्यानंच तिचा जीव घेतल्याचा आरोपही कुटुंबीयांकडून करण्यात आला आहे. 

Punjabi Singer Inder Kaur Found Dead

Source : ABP Majha

Punjabi Singer Inder Kaur Found Dead: मंनोरंजन विश्वातून (Entertainment World) एक अत्यंत धक्कादायक बातमी समोर येत आहे. या बातमीनं सर्वांना हादरवून सोडलं आहे. सुप्रसिद्ध पंजाबी गायिका (Punjabi Singer) इंदर कौर (Inder Kaur) उर्फ यशइंदर कौर हिची हत्या करण्यात आली आहे. सहा दिवस बेपत्ता असलेल्या  इंदर कौर (Punjabi Singer Inder Kaur) हिचा मृतदेह 19 मे रोजी सकाळी लुधियानाजवळील (Ludhiana) नीलो कालव्यात आढळून आला. 29 वर्षांची इंदर सहा दिवसांपासून बेपत्ता होती. तिला गन पॉईंटवर किडनॅप करण्यात आल्या आरोप तिच्या कुटुंबीयांनी केला आहे. तसेच, कॅनडाहून (Canada) आलेल्या एका व्यक्तीनं इंदर कौरला लग्नाची मागणी घातलेली, पण तिनं त्याला नकार दिल्यामुळे त्यानंच तिचा जीव घेतल्याचा आरोपही कुटुंबीयांकडून करण्यात आला आहे. 

सुप्रसिद्ध पंजाबी गायिका इंदर कौर (Famous Punjabi Singer Inder Kaur) हिच्या कुटुंबीयांनी दिलेल्या माहितीनुसार, मोगा येथील एका व्यक्तीकडून इंदरवर जबरदस्तीनं लग्नासाठी दबाव टाकला जात होता. मात्र, तिनं लग्नास नकार दिल्यानंतर संबंधित व्यक्तीनं तिचं अपहरण केलं. इतकंच नव्हे, तर हा प्रकार घडवल्यानंतर आरोपी कॅनडाला पळून गेल्याचंही कुटुंबीयांचं म्हणणं आहे. तो खास या कटासाठी कॅनडाहून नेपाळमार्गे पंजाबमध्ये आला होता आणि नंतर त्याच मार्गानं फरार झाल्याचा दावा करण्यात आला आहे. 

मीडिया रिपोर्टनुसार, सुमारे तीन वर्षांपूर्वी इंदरची आरोपीशी इन्स्टाग्रामवर ओळख झाली होती. मात्र, संबंधित व्यक्ती विवाहित असून त्याला मुलं असल्याचं समजल्यानंतर इंदरनं लग्नास स्पष्ट नकार दिला होता. याच कारणातून आरोपी तिच्यावर राग धरून असल्याचं सांगितलं जात आहे.

दरम्यान, पोलिसांनी इंदर कौरचा मृतदेह कालव्यातून बाहेर काढून शवविच्छेदनासाठी समराला येथील शासकीय रुग्णालयात पाठवला आहे. या प्रकरणाचा पुढील तपास सुरू आहे.

इंदर कौर हिची शेवटची पोस्ट (Inder Kaur Last Post)

इंदर कौर हिची शेवटची सोशल मीडिया पोस्ट मोठ्या प्रमाणावर व्हायरल होत आहे. 13 मे रोजी तिनं आपल्या सोशल मीडिया अकाउंटवर एक फोटो शेअर केला होता. या फोटोमध्ये ती ब्राउन रंगाचा शर्ट परिधान करून हातात बॅग घेत पोझ देताना दिसत होती. चाहत्यांनी तिच्या या फोटोवर लाईक्स आणि कमेंट्सचा वर्षाव केलेला. पण, तिच्या निधनाची बातमी समोर आल्यानंतर आता त्याच पोस्टच्या कमेंट सेक्शनमध्ये चाहते शोक व्यक्त करत असून वेगवेगळ्या प्रतिक्रियाही देत आहेत.

नेटकरी इंदरच्या शेवटच्या फोटोवर कमेंट करत तिला श्रद्धांजली वाहत आहेत. त्याचबरोबर एक प्रश्नही उपस्थित केला जात आहे की, जर इंदरचं सहा दिवसांपूर्वी अपहरण झालं होतं, तर पाच दिवसांपूर्वी ही पोस्ट नेमकी कोणी शेअर केली? काहींच्या मते, ही पोस्ट आधीच शेड्यूल करून ठेवण्यात आली असावी. दरम्यान, पंजाबी मनोरंजविश्वात इंदर कौर खूपच प्रसिद्ध होती. इंदर कौर हिनं 'जीजा', 'किसान एंथम 2', 'देसी सिरे दा', 'जट्ट माइंड', 'नबज जट्टी दी' आणि 'अकड़' यांसारखी अनेक गाणी गायली होती. तिच्या गाण्यांना प्रेक्षकांकडून मोठी पसंती मिळाली होती.

महत्त्वाच्या इतर बातम्या :