Prarthana Behere : सुशांतच्या सिनेमासाठी कॉल आला, निवडही झाली पण..., या कारणामुळे प्रार्थनाला मिळाला होता बॉलीवूडच्या सिनेमासाठी नकार
Prarthana Behere : पवित्र रिश्ता मालिका संपल्यानंतर प्रार्थनाने एका बॉलीवूडच्या सिनेमासाठी ऑडीशन दिली होती. पण त्यावेळी तिला त्या सिनेमासाठी नकार स्वीकारावा लागला होता.
Prarthana Behere : अभिनेत्री प्रार्थना बेहेरे (Prarthana Behere) हिने 'पवित्र रिश्ता' (Pavitra Rishta) या मालिकेतून पदार्पण केलं. या मालिकेतून ती घराघरांत पोहचली. त्यानंतर तिने अनेक सिनेमांमधून प्रेक्षकांची मनं जिंकली होती. पण पवित्र रिश्ता मालिका संपताच प्रार्थनाचं बॉलीवूडच्या एका सिनेमासाठी सिलेक्शन झालं होतं. पण एका कारणामुळे तिला या सिनेमासाठी नकार पचवावा लागला. याविषयी प्रार्थनाने नुकतच खुलासा केला आहे.
प्रार्थनाने नुकतीच 'राजश्री मराठी'ला मुलाखत दिली. त्या मुलाखतीमध्ये तिने हा किस्सा शेअर केला आहे. प्रार्थनाला सुशांत सिंह राजपूतच्या काय पो चे या सिनेमासाठी कॉल आला होता. यामध्ये सुशांतच्या बहिणीच्या भूमिकेसाठी तिला विचारण्यात आलं होतं. इतकच नव्हे तर तिचं सिलेक्शनही झालं होतं. पण एका कारणासाठी तिला नकार मिळाला होता.
'या' कारणासाठी प्रार्थनाला नाकारलं होतं
आयुष्यात कधी तुला नकार मिळाला आहे का? या प्रश्नाचं उत्तर देताना प्रार्थनाने म्हटलं की, होय, माझ्या वाट्याला खूप नकार आलाय. अनेक असे सिनेमे आहेत, जे मला असं वाटत होतं की, मी करेन आणि मी ते केलं नाही. पवित्र रिश्ता तेव्हा झालं होतं आणि सुशांत तेव्हा काय पो चे सिनेमा करत होता. त्यावेळी कास्टिंग दिग्दर्शकाचा मलाही फोन आला की तुम्हीही तुमचे फोटो पाठवा. त्यामध्ये सुशांतची जी बहिण होती, जी गुजराती होती, त्या भूमिकेसाठी तो कॉल होता. त्यामुळे त्यांनी मला सांगितलं की, गुजराती बोलतानाचा देखील एक व्हिडीओ शूट करुन पाठवा. मी देखील छान गुजरातीमध्ये बोलून ऑडीशन पाठवलं.
पुढे तिने म्हटलं की, त्या सगळ्यांना ऑडीशन आवडलंही आणि माझं सिलेक्शनही झालं. मग त्याची मी खूप वाट पाहिली. त्यांनी मग दोन तीन महिन्यानंतर मला कॉल करुन सांगितलं की, तुझं सिलेक्शन नाही केलं कारण त्यांना कुणीतरी गोरी मुलगी हवी होती. त्यावर मी त्यांना ओके म्हटलं. हे मला आठवतंय कारण कोणत्या कारणामुळे तुम्हाला नकार मिळू शकतो ही गोष्ट तुमच्या लक्षात राहायला हवी.
ही बातमी वाचा :
महत्त्वाच्या बातम्या
ट्रेंडिंग न्यूज
