Pooja Bhatt On Aamir Khan: 'आम्ही एकमेकांच्या प्रेमात पूर्णपणे हरवून जायचो...'; 'मिस्टर परफेक्शनिस्ट'बाबत पूजा भटनं कोणतेही आढेवेढे न घेता स्पष्टच सांगितलं
Pooja Bhatt On Aamir Khan: पूजा भटनं नुकत्याच एका मुलाखतीमध्ये आमिर खानसोबतच्या नात्याबद्दल भाष्य केलेलं. आमच्यात नक्कीच एक आकर्षण होतं, असं पूजा भट म्हणाली.
Pooja Bhatt On Aamir Khan: बॉलिवूडमध्ये (Bollywood News) अनेक गाजलेल्या जुन्या सिनेमांची आजही चर्चा रंगते. असाच एक सिनेमा 1991 मध्ये रिलीज झालेला 'दिल है के मानता नहीं' (Dil Hai Ke Manta Nahin Movie). हा सिनेमा आजही अत्यंत लोकप्रिय रोमँटिक सिनेमांपैकी (Romantic Movie) एक मानला जातो. या सिनेमात अभिनेत्री पूजा भट (Pooja Bhatt) आणि आमिर खान (Aamir Khan) मुख्य भूमिकेत झळकलेले. नुकत्याच एका मुलाखतीत बोलताना पूजा भट (Pooja Bhatt) हिनं या सिनेमाच्या शुटिंगवेळच्या काही गंमतीशीर गोष्टी सांगितल्या आहेत. पूजा भटनं (Actress Pooja Bhatt) त्या काळातही आमिर आपल्या कामाबाबत इतका गंभीर होता की, त्याच्या 'परफेक्शनिस्ट' स्वभावाची झलक तेव्हाच स्पष्टपणे दिसून येत होती, असं सांगितलं.
सध्या आमिर खान त्याच्या तिसऱ्या लग्नामुळे चर्चेत आहे. 5 जुलै रोजी आमिर खान आपली गर्लफ्रेंड गौरी स्प्रॅट (Girlfriend Gauri Spratt) हिच्यासोबत लग्नगाठ बांधणार आहे. याच पार्श्वभूमीवर पूजा भट हिनं त्याच्याबाबत केलेलं वक्तव्य चर्चेत आहे. मला आमिर खान खूप आवडायचा. जेव्हा कॅमेरा सुरू असायचा, तेव्हा आम्ही एकमेकांच्या प्रेमात पूर्णपणे हरवून जायचो. आमच्यात नक्कीच एक आकर्षण होतं, उत्तम केमिस्ट्री होती. पण त्या आकर्षणाचं खऱ्या आयुष्यात नात्यात रूपांतर झालं नाही, असं पूजा भट म्हणाली.
पूजा भट नेमकं काय म्हणाली? (Pooja Bhatt On Mr Perfectionist Aamir Khan)
विकी लालवानी याच्या पॉडकास्टमध्ये बोलताना पूजा भट हिनं नमूद केलं की, "आमिर खान सिनेमाच्या प्रत्येक पैलूमध्ये मनापासून इंटरेस्ट घ्यायचा. शुटिंग दरम्यान तो अगदी बारिक-सारीक गोष्टींवरही प्रश्न उपस्थित करायचा, इतकंच काय, तर पूजाच्या 'हील्स'च्या उंचीवरही त्यानं आक्षेप घेतला होता, कारण त्या तिच्या भूमिकेला साजेशा नाहीत, असं त्याला वाटलेलं. काही लोक याला कदाचित 'हस्तक्षेप' म्हणू शकतील, पण पूजाच्या मते, आमिरच्या बारकाव्यांकडे असलेल्या त्या लक्षामुळे तिला खूप काही शिकायला मिळालं.
विकी लालवानीच्या पॉडकास्टमध्ये बोलताना पूजा भट म्हणाली की, "तो नेहमीच बरोबर नसायचा आणि आम्ही दोघेही एकमेकांची खूप चेष्टा करायचो... आम्ही अगदी टॉम अँड जेरीसारखे होतो. आम्ही नेहमी एकमेकांना त्यांची जागा दाखवून देत होतो..."
आमिर खानसोबत रोमँटिक नात्याबाबतच्या प्रश्नावर बोलताना पूजा भट म्हणाली की, "तुम्ही हा प्रश्न आमिर खानला विचारायला हवा. मी खूप आकर्षक होते, नाही का? तसं झालं असतं तर तुम्ही त्याला दोष दिला असता का? मला आमिर खान खूप आवडायचा. जेव्हा कॅमेरा सुरू असायचा, तेव्हा आम्ही एकमेकांच्या प्रेमात पूर्णपणे हरवून जायचो. आमच्यात नक्कीच एक आकर्षण होतं, उत्तम केमिस्ट्री होती. पण त्या आकर्षणाचं खऱ्या आयुष्यात नात्यात रूपांतर झालं नाही..."
आमिर खानसोबतच्या सिनेमाबाबत बोलताना पूजा भट्ट म्हणाली की, "आमिर त्याच्या सीनचा सराव करायचा. काहीजण त्याला इतरांच्या कामात ढवळाढवळ करणारा म्हणतील किंवा ज्याला सिनेमाच्या प्रत्येक गोष्टीत रस असतो असा व्यक्ती म्हणतील. मी त्याच्याकडून खूप काही शिकले. त्याची अभिनयातील अचूकता, तो अभिनेता म्हणून परफेक्ट आहे..."
महत्त्वाच्या इतर बातम्या :
ABP माझाच्या बातम्या LIVE...
महत्त्वाच्या बातम्या
