भयपट 'तुंबाड 2' मध्ये तगड्या कलाकारांची एन्ट्री; नवाजुद्दीन सिद्दीकी महत्त्वाच्या भूमिकेत, पोस्ट VIRAL
Nawazuddin Siddiqui role in Tumbbad 2: तुंबाड 2 साठी नवाजुद्दीन सिद्दीकीची अधिकृत एन्ट्री. पोस्ट सोशल मीडियात व्हायरल.
Sohum Shah and Nawazuddin Siddiqui to Share Screen: 'तुंबाड' हा चित्रपट प्रचंड गाजला. या चित्रपटाने प्रेक्षकांची मने जिंकली. गुढ आणि रहस्यमय चित्रपटाने प्रेक्षकांना अक्षरश: खिळवून ठेवलं होतं. लवकरच या सिनेमाचा सिक्वेल प्रेक्षकांच्या भेटीस येणार आहे. तुंबाड 2 सिनेमागृहात पाहण्यासाठी प्रेक्षकांनी उत्सुकता दर्शवली आहे. या चित्रपटात मुख्य भूमिका कोण साकारणार? हस्तरची भूमिका नेमका कोणता कलाकार साकारणार? हे जाणून घेण्यासाठी प्रत्येक प्रेक्षक आतुर आहे. दरम्यान, या चित्रपटाबाबत एक मोठी अपडेट समोर आली आहे. या थरारक सिनेमासाठी नवाजुद्दीन सिद्दीकीला महत्त्वाची भूमिका ऑफर करण्यात आली आहे. गेल्या काही महिन्यांपासून या अभिनेत्याची प्रचंड चर्चा होती. दरम्यान, तुंबाडच्या सिक्वेलमध्ये जर नवाजुद्दीनची एन्ट्री झाली तर, हा चित्रपट आणखी मनोरंजक बनेल, एवढं मात्र नक्की.
2018 साली तुंबाड या चित्रपटाला उत्स्फूर्त प्रतिसाद मिळाला होता. तुंबाडला मिळालेल्या यशानंतर, निर्मात्यांनी दुसरा भाग बनवण्याचा निर्णय घेतला. चित्रपटाच्या दुसऱ्या सिझनमध्ये विनायक रावची भूमिका साकारणारा सोहम शाह नवाजुद्दीन सिद्दीकीसोबत स्क्रीन शेअर करणार आहे. सोहम शाहने अलिकडेच इन्स्टाग्रामवर एक पोस्ट शेअर केली आहे. या पोस्टमध्ये सोहम शाह आणि नवाजुद्दीन सिद्दीकी एकत्र दिसत आहेत. दोघांमध्ये एक पांढरी दोरी दिसत आहे. तसेच दोघांच्या हातात पिठाचा गोळा दिसत आहे. यासह काही सोन्याची नाणी दिसत आहे. सोहम शाहने ही पोस्ट सोशल मीडियात शेअर केली आहे.
View this post on Instagram
सोहमने पोस्ट शेअर करुन एक कॅप्शन दिलं आहे. 'आमच्या काळातील सर्वोत्तम अभिनेत्यांपैकी एक, नवाजुद्दीन सिद्दीकी तुंबाड 2मध्ये सामील झाल्याची घोषणा करताना आम्हाला आनंद होत आहे'. नवाजुद्दीन तुंबाड 2मध्ये महत्त्वाची भूमिका साकारणार, एवढं मात्र कन्फर्म झालं आहे. दरम्यान, तुंबाड 2मध्ये अभिनेता नेमकं कोणतं पात्र साकारणार, याची माहिती अद्याप समोर आलेली नाही. या घोषणेनंतर चाहत्यांमध्ये आनंदाचे वातावरण आहे. तो कोणती भूमिका साकारणार? हे जाणून घेण्यासाठी प्रेक्षक उत्सुक आहेत.
तुंबाड चित्रपटाबाबत नवाजुद्दीननं आपल्या भावना व्यक्त केल्या. 'तुंबाडच्या भावनिक आणि भयपट कथेचं मी कायम कौतुक करत आलो आहे. मी देखील या चित्रपटाच्या प्रवासात सामील झालो आहे. इतक्या मोठ्या प्रोजेक्टवर सोहम शाह आणि पेन स्टुडिओसोबत काम करणे खरोखरंच रोमांचक आहे. मी साकारत असलेल्या भूमिकेचे अनेक पैलू आहेत', असं अभिनेत्यानं स्पष्ट केलं. या चित्रपटाचे अद्याप चित्रीकरण पूर्ण झालेले नाही. लवकरच हा चित्रपट प्रेक्षकांच्या भेटीस येईल, अशी माहिती समोर आली आहे.
Before You Go
Arjun Tendulkar Weds Saaniya Chandhok : अर्जुन-सानिया लग्नबंधनात ! स्टायलिश लूकने वेधलं लक्ष
महत्त्वाच्या बातम्या
