Hazaar Vela Sholay Pahilela Manus : चित्रपट महोत्सव गाजवणारा 'हजारवेळा शोले पाहिलेला माणूस' रिलीजसाठी सज्ज, दिग्गज कलाकारांची मांदियाळी
Marathi Movie Hazaar Vela Sholay Pahilela Manus : अनेक राष्ट्रीय,आंतरराष्ट्रीय चित्रपट महोत्सव गाजवणारा 'हजारवेळा शोले पाहिलेला माणूस' हा चित्रपट आता प्रेक्षकांच्या भेटीला येणार आहे.
Marathi Movie Hazaar Vela Sholay Pahilela Manus : बॉलिवूड आणि भारतीय चित्रपटाच्या इतिहासात 'शोले' या चित्रपटाचं स्थान अनन्यसाधारण महत्त्वाचं आहे. या चित्रपटाची आजही प्रचंड लोकप्रियता आहे. 15 ऑगस्ट 1975 मध्ये प्रदर्शित झालेला "शोले" (Sholay) या चित्रपटाचे यंदा सुवर्णमहोत्सवी वर्षात पदार्पण झाले आहे. हिंदी सिनेसृष्टीत आपली छाप सोडणाऱ्या शोले चित्रपटाला 'हजारवेळा शोले पाहिलेला माणूस' हा मराठी चित्रपट अनोख्या पद्धतीने सलाम करणार आहे. नावापासूनच वेगळेपण असलेला, तगडी स्टारकास्ट असलेला आणि अनेक राष्ट्रीय,आंतरराष्ट्रीय चित्रपट महोत्सव गाजवणारा 'हजारवेळा शोले पाहिलेला माणूस' हा चित्रपट आता प्रेक्षकांच्या भेटीला येणार आहे. 29 नोव्हेंबर रोजी हा चित्रपट प्रेक्षकांच्या भेटीला येणार आहे.
"शोले" चित्रपटाचं थरारक कथानक, त्यातील कलाकारांच्या दमदार अभिनयामुळे व्यक्तिरेखा अजरामर झाल्या. त्यामुळेच "शोले" चित्रपट आजही अविस्मरणीय आहे. "शोले" चित्रपटाच्या याच आठवणींना "हजारवेळा शोले पाहिलेला माणूस" हा चित्रपट सलाम करणार आहे. 'हजारवेळा शोले पाहिलेला माणूस' या चित्रपटाच्या नावातूनच "शोले" या गाजलेल्या चित्रपटाशी कथेचा काहीतरी संबंध आहे हे स्पष्ट होत आहे. चित्रपटाच्या नावामुळेच त्याच्या कथानकाविषयी उत्सुकता निर्माण झाली आहे.
चित्रपटात तगडी स्टारकास्ट
या चित्रपटात ज्येष्ठ अभिनेते दिलीप प्रभावळवकर, सोनाली कुलकर्णी, सिद्धार्थ जाधव, प्राजक्ता दातार, मिलिंद शिंदे, किशोर कदम, बालकलाकार श्रीरंग महाजन यांच्या प्रमुख भूमिका आहेत. अभिनेते समीर धर्माधिकारी आणि आनंद इंगळे हे पाहुण्या कलाकाराच्या भूमिकेत आहेत.
विश्चास मीडिया आणि एंटरटेन्मेंटचे राजेश डेम्पो, भक्ती डेम्पो आणि कॉंसमीडिया एंटरटेन्मेंटचे सगूण वाघ, श्रीदेवी शेट्टी वाघ यांनी "हजारवेळा शोले पाहिलेला माणूस" या चित्रपटाची निर्मिती केली आहे. शोले मीडिया अँड एंटरटेन्मेंट, कुबेरन्स टेक व्हेंचर्स चित्रपटाचे सहनिर्माते आहेत. तर जीत वाघ असोसिएट प्रोड्यूसर आहेत. चित्रपटाचं लेखन आणि दिग्दर्शन हृषिकेश गुप्ते यांनी केलं आहे. अमोल गोळे यांनी छायांकन, रोहन रोहन,स्वरुप आनंद भालवणकर, वरुण लिखाते यांनी संगीत तर विनोद पाठक यांनी संकलनाची जबाबदारी निभावली आहे. शंकरैय्या दोराईस्वामी यांनी नृत्यदिग्दर्शन तर क्रिएटिव्ह डायरेक्टर शंकरैय्या दोराईस्वामी आणि विनोद पाठक आहेत.
महत्त्वाच्या बातम्या
