Manasi Naik : मानसी नाईकचं नवं गाणं प्रेक्षकांच्या भेटीला, 'नाकात नथ' गाण्यातून नखरेल अंदाजाने वेधलं लक्ष
Manasi Naik : अभिनेत्री मानसी नाईक हिचं नवं गाणं प्रेक्षकांच्या भेटीला आलं आहे. मराठमोळ्या swag मध्ये 'नाकात नथ' गाण्याची रसिकांना भुरळ पडलीये.
Manasi Naik : मागील अनेक दिवसांपासून अभिनेत्री मानसी नाईक (Manasi Naik) ही तिच्या वैयक्तिक आयुष्यामुळे बरीच चर्चेत आहे. तिचा एक्स नवऱ्याने साखरपुडा उरकल्यानंतर मानसीच्या आयुष्यात कुणीतरी असल्याचं म्हटलं जात होतं. पण मानसी प्रेक्षकांच्या भेटीला कधी येणार याचीही उत्सुकता अनेकांना होती. त्यातच आता मानसीचं नवं गाणं नुकतच प्रेक्षकांच्या भेटीला आलं आहे.
नाकातील नथीने अर्थातच तरुणीच्या सौंदर्यात भर पडते. नथीचा नखरा ही थीमदेखील विशेष चर्चेत राहिली, यानंतर आता पुन्हा नाकातील नथीची भुरळ घालायला एका रोमँटिक, बहारदार गाण्याची भर पडली आहे. 'नाकात नथ' असं या गाण्याचं नाव आहे.
नवी कोरी जोडी
साऱ्यांना भुरळ घालणाऱ्या या गाण्यातून एक नवी कोरी जोडीही प्रेक्षकांच्या भेटीला आली आहे. अभिनेत्री मानसी नाईक आणि अभिनेता आदित्य घरत या गाण्यातून प्रेक्षकांच्या भेटीला आले आहेत. या बेधुंद आणि धमाकेदार गाण्यातून मानसी नाईकाचा नखरेल अंदाज विशेष भावतोय. यापूर्वीच्या तिच्या सर्वच गाण्यांनी रसिकांना थिरकायला भाग पाडलं.
गायक रोहित राऊत आणि गायिका सोनाली सोनावणे यांनी त्यांच्या सुमधुर आवाजात हे गाणं स्वरबद्ध झालं आहे. या गाण्याच्या दिग्दर्शनाची व स्क्रीनप्लेची दुहेरी धुरा मनीष महाजन यांनी सांभाळली असून संगीताची जबाबदारी आर.तिरुमल यांनी उत्तमरीत्या पेलवली आहे. मानसी व आदित्य यांचं नखरेल swag असलेलं हे नाकात नथ गाणं साऱ्यांना ठेका धरायला लावतंय.
मानसी नाईकबद्दल जाणून घ्या... (Who is Manasi Naik)
मानसी नाईक अभिनेत्री असण्यासोबत एक उत्कृष्ट नृत्यांगणा आहे. तिने मराठी मालिका आणि सिनमांत आपल्या अभिनयाची छाप सोडली आहे. तिने 2007 साली 'जबरदस्त' या सिनेमाच्या माध्यमातून मराठी सिनेसृष्टीत पदार्पण केलं आहे. पण 'चार दिवस सासूचे' या मालिकेच्या माध्यमातून ती घराघरांत पोहोचली. 'वाट बघतोय रिक्षावाला', 'बाई वाड्यावर या' या तिच्या गाण्यांना प्रेक्षकांची पसंती मिळाली आहे. 'जबरदस्त', 'फक्त लढ म्हणा' यांसारख्या सिनेमांतदेखील ती झळकली आहे.
View this post on Instagram
ही बातमी वाचा :
Dharmveer 2 : काय दाढी, काय टक्कल, काय तो टिळा; धर्मवीर २ सिनेमात शहाजी बापूंची भूमिका एकदम ओक्के
महत्त्वाच्या बातम्या
