Sachin Goswami on Maharashtrachi Hasyajatra: 'महाराष्ट्राची हास्यजत्रा' सोबत घडलेला घाणेरडा प्रकार पाहताच दिग्दर्शकाची तळपायाची आग मस्तकात; सचिन गोस्वामींची फेसबुक पोस्ट चर्चेत
यावरून लेखक व दिग्दर्शक सचिन गोस्वामी संतापले आहेत. फेसबुकवर एक पोस्ट करत त्यांनी बदनामी करणाऱ्यांना चांगलंच सुनावलं.
Maharashtrachi Hasyajatra Sachin Goswami: गेल्या अनेक वर्षांपासून 'महाराष्ट्राची हास्यजत्रा' (Maharashtrachi Hasyajatra) हा कार्यक्रम महाराष्ट्रातील प्रेक्षकांना खळखळून हसवतोय.ऑफिसमधून थकून आल्यानंतर, हास्यजत्रेच्या कलाकारांची अस्सल विनोदाची मेजवानी अनुभवण्यासाठी अनेकजण हा कार्यक्रम बघतात. या कार्यक्रमातील अनेक प्रहसनं प्रेक्षकांमध्ये प्रचंड लोकप्रिय आहेत. हल्ली हास्यजत्रेचे अनेक भाग सोनी मराठीच्या ऑफिशियल चॅनलवर तर दिसतातच मात्र youtube पोर्टलवरही दाखवली जातात.अनेक चॅनेल्स एपिसोडमधील काही भाग युट्युबवर कुठलीही परवानगी नसताना दाखवतात. त्यातून कमाई करतात. हे करत असतानाही लोक इतकी विकृत झाली आहेत की, या एपिसोडवर अश्लील थंबनेल आणि कॅप्शन वापरून या कार्यक्रमाची बदनामी करण्याचा प्रकार सुरू झाला. हा सगळा प्रकार लक्षात येताच 'महाराष्ट्राची हास्यजत्रा ' कार्यक्रमाचे दिग्दर्शक सचिन गोस्वामी (Sachin Goswami) यांनी प्रचंड संताप व्यक्त केलाय .. त्यांची फेसबुक पोस्ट सध्या चर्चेत आहे.
सचिन गोस्वामींचा पारा चढला..
'महाराष्ट्राची हास्यजत्रा' कार्यक्रमासंदर्भात दिग्दर्शक आणि शोचे लेखक सचिन गोस्वामी यांनी फेसबुकवर एक पोस्ट केली आहे. शो बाबतीत घाणेरडा प्रकार करणाऱ्यांना इशारा देत हे सगळे प्रकार त्वरित थांबवावेत असं म्हणत हे सगळं क्लेशदायक असल्याचं ते म्हणाले आहेत. अनेक youtube चॅनेल्स अनधिकृतपणे शोमधील भागांचे प्रसारण करतात. हे करत असताना अत्यंत अश्लील थंबनेल आणि कॅप्शन टाकून कार्यक्रमाची बदनामी करत आहेत. यावरून लेखक व दिग्दर्शक सचिन गोस्वामी संतापले आहेत. फेसबुकवर एक पोस्ट करत त्यांनी बदनामी करणाऱ्यांना चांगलंच सुनावलं.
ते म्हणाले, 'विकृती चा कळस… महाराष्ट्राची हास्य जत्रा हा कार्यक्रम गेली 8 वर्षे सोनी मराठी वाहिनीवर सादर होत आहे. 1000 भाग पूर्ण होत आहे आणि जगभरातील मराठी प्रेक्षकात प्रचंड लोकप्रिय आहे. हल्ली हास्य जत्रेचे अनेक भाग सोनी मराठी च्या ऑफिशअल चॅनेलवर आणि पोर्टलवर तर दिसतातच, पण इतर यू ट्यूब पोर्टल्सही दाखवतात. ही युट्यूब चॅनेल्स अधिकृत आणि अनधिकृत पद्धतीने प्रसारित करतायेत आणि पैसेही कमावत आहेत. पण या सर्व भागांचे प्रसारण करताना अत्यंत अश्लील thumbnail आणि कॅप्शन टाकून कार्यक्रमाची बदनामी करत आहेत. ज्या कन्टेन्टवर आपण आपले पोट भरत आहोत, त्यावर असे बदनामीकारक थंबनेल आणि कॅप्शन करताना थोडीही लाज वाटत नसावी का? अत्यंत क्लेशदायक आहे हे. कृपया प्रेक्षकांनी या प्रकारामुळे कार्यक्रमाच्या दर्जा विषयी शंका घेऊ नये. आम्ही दर्जा राखण्यासाठी प्रतिबद्ध आहोत. संबंधितांनी हे प्रकार त्वरित थांबवावे; आणि कुणास असे आक्षेपार्ह फोटो किंवा कॅप्शन दिसल्यास त्या व्हिडिओस रिपोर्ट करावे. धन्यवाद.'
महत्त्वाच्या बातम्या
