Lata Mangeshkar Health Update : प्रकृतीविषयी तर्क-वितर्क, लता मंगेशकरांनी ट्वीट करत चर्चेला दिला पूर्णविराम

Lata Mangeshkar Health Update : लता मंगेशकर यांना कोरोनाची लागण झाल्यापासून मुंबईतील ब्रीच कँडी रुग्णालयात त्यांच्यावर उपचार सुरु आहेत.

Lata Mangeshkar Health Update

Lata Mangeshkar Health Update : गेल्या अनेक दिवसांपासून गानसम्राज्ञी लता मंगेशकर (Lata Mangeshkar) यांच्या प्रकृतीविषयी अनेक चर्चांना उधाण आलं होतं. लता मंगेशकर यांना कोरोनाची लागण झाली म्हटल्यावर त्यांच्या प्रकृतीविषयी सोशल मिडीयावर अनेक व्हायरल मेसेज येत होते. अखेर या चर्चेला स्वत: लतादीदींनीच पूर्णविराम दिला आहे. लतादीदींच्या अधिकृत ट्विटर अकाऊंटवरून त्यांची हेल्थ अपडेट शेअर करण्यात आली आहे. 

काय म्हटलंय ट्विटमध्ये?

त्रासदायक चर्चा इथेच थांबवावी,अशी विनंती

 ब्रीच कँडी हॉस्पिटलकडून अपडेट डॉ. प्रतीत समदानी यांनी असं म्हटलं आहे की, 

लतादीदी यांच्या प्रकृतीत सुधारणेची सकारात्मक चिन्हे दिसत असून त्यांच्यावर आयसीयूमध्ये उपचार सुरू आहेत.

त्या लवकर बरे होण्यासाठी आणि घरी परतण्यासाठी आम्ही आतुरतेने वाट पाहत आहोत.  तसेच प्रार्थना करत आहोत. 

Heartfelt request for the disturbing speculation to stop.

Update from Dr Pratit Samdani, Breach Candy Hospital.

Lata Didi is showing positive signs of improvement from earlier and is under treatment in the ICU.

We look forward and pray for her speedy healing and homecoming.

— Lata Mangeshkar (@mangeshkarlata) January 22, 2022

 

डॉ. प्रतीत समदानी यांच्यासह 5 डॉक्टरांचे पथक लता मंगेशकर यांच्यावर उपचार करत आहे. लता मंगेशकर यांना कोरोनाची लागण झाल्यानंतर 8-9 जानेवारीच्या मध्यरात्री त्यांना रुग्णालयात दाखल करण्यात आले होते.

92 वर्षीय लता मंगेशकर यांच्या घरात काम करणाऱ्या मोलकरणीला कोरोनाची लागण झाल्यानंतर लता दीदींचीही कोरोना चाचणी करण्यात आली होती. कोरोना पॉझिटिव्ह आल्यानंतर त्यांना त्यांच्या घराजवळील अर्थात 'प्रभू कुंज' येथील ब्रीच कँडी रुग्णालयात दाखल करण्यात आले. या आधीही अनेकदा त्यांनी या रुग्णालयात उपचार घेतले आहेत. उपचारासाठी दाखल केल्यानंतर डॉ. प्रतीत समदानी यांनी एबीपी न्यूजला सांगितले होते की, लता दीदींना कोरोनासोबतच न्यूमोनिया देखील झाला आहे, ज्याला 'कोविड न्यूमोनिया' असेही म्हणतात.

महत्वाच्या बातम्या :

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha