Kiran Mane : 'कलाकार ब्राह्मण समाजातील 'गुड लुकींग' हवा', व्हायरल पोस्टवर किरण मानेंची कमेंट चर्चेत
Kiran Mane : किरण माने यांनी त्यांच्या सोशल मीडियावर शेअर केलेली पोस्ट सध्या बरीच व्हायरल होत आहे.
Kiran Mane : एखाद्या मालिका, सिनेमात कलाकार हवे असतील, तर त्यांच्या ऑडिशन्सची माहिती जास्तीत जास्त लोकांपर्यंत पोहचवी याकरिता हल्ली सोशल मीडियाचा वापर करतात. त्यामुळे अनेक कलाकारांपर्यंत किंवा नवख्या कलाकारांपर्यंत ही माहिती पोहचवणं अगदी सहज सोप्पं होतं. पण सध्या सोशल मीडियावर (Social Media) एका ऑडिशनची पोस्ट चांगलीच व्हायरल होत आहे.
या पोस्टमध्ये वासुदेवाच्या भूमिकेसाठी ब्राह्मण मुलगी हवा असल्याचं नमुद करण्यात आलं आहे. त्यावरुन अभिनेते किरण माने यांनी सोशल मीडियावर केलेली पोस्ट सध्या चर्चेत आली आहे. किरण माने हे कायमच अनेक मुद्द्यांवर भाष्य करत असतात.
किरण माने यांनी काय म्हटलं?
किरण माने यांनी त्यांच्या पोस्टमध्ये म्हटलं की, 'मराठी सिरीयलमध्ये वासूदेवाच्या भुमिकेसाठी कलाकार हवा आहे. फिल्मसिटीमध्ये शुटिंग सुरू आहे. अट एकच आहे, "कलाकार ब्राह्मण समाजातला, अर्थातच 'गुड लुकींग' हवा आहे."ऑडीशन्ससाठीची माहिती देणार्या एका व्हॉट्सअप ग्रुपवर आलेला हा एक मेसेज आहे. 'जनसेवा' म्हणून त्याचा स्क्रिनशॉट टाकतोय. ब्राह्मण जातीतल्या 31 ते 40 वयोगटातील पुरुषांनी तातडीने धाव घ्या.'श्री स्वामी समर्थ कास्टिंग कंपनी'शी लगेच संपर्क साधा ! '
दरम्यान नुकतीच किरण माने यांनी ममता बॅनर्जी यांच्यावर केलेली पोस्ट सध्या बरीच चर्चेत आली होती. त्यानंतर आता या व्हायरल स्क्रिनशॉटवर केलेली पोस्ट सध्या चर्चेत आलेली आहे. त्यामुळे आता सोशल मीडियावरही या पोस्टची बरीच चर्चा आहे.
ही बातमी वाचा :
महत्त्वाच्या बातम्या
