Kiran Mane : मोठी बातमी : अभिनेता किरण माने ICU मध्ये, आयुष्य अनप्रेडिक्टेबल असतं, अभिनेत्याची पोस्ट
Kiran Mane : अभिनेते किरण माने यांना रुग्णालयात दाखल करण्यात आल्याची माहिती सध्या समोर येत आहे.
Kiran Mane : अभिनेते आणि ठाकरे गटाचे नेते किरण माने (Kiran Mane) हे त्यांच्या सोशल मीडियावरील पोस्टमुळे हल्ली फार चर्चेत असतात. पण सध्या त्यांच्याबाबत एक महत्त्वाची माहिती समोर येत आहे. किरण माने यांची प्रकृती बरी नसल्यामुळे त्यांना रुग्णालयात दाखल करण्यात आलं आहे. इतकचं नव्हे तर ते आय.सी. युमध्ये दाखल आहेत. किरण माने यांनी स्वत: फेसबुक पोस्ट करत ही माहिती दिली.
अनेक राजकीय, सामाजिक त्याचप्रमाणे आयुष्यातील प्रसंगांवर किरण माने हा त्यांच्या सोशल मीडियावरुन भाष्य करत असतात. अनेक मुद्दे ते यातून मांडत असतात. त्याचप्रमाणे बऱ्याचदा सत्ताधाऱ्यांवर टीकास्त्र सोडणाऱ्या त्यांच्या पोस्ट राजकीय वर्तुळात देखील चर्चेचा विषय असतात. पण सध्या त्यांनी केलेल्या या पोस्टमुळे सगळ्यांनाच काळजी लागून राहिली असल्याचं पाहायला मिळतंय.
किरण माने यांची पोस्ट नेमकी काय?
किरण माने यांनी त्यांच्या फेसबुक पोस्टमध्ये म्हटलं की, काल दुपारपर्यंत फिट, तंदुरुस्त, हसत खेळत होतो. आज आय.सी.यू, सलाईन, इंजेक्शन, गोळ्या तपासण्या आणि प्रचंड असह्य वेदना. आयुष्य किती अनप्रेडिक्टेबल असतं ! अर्थात, यावरही मात करून यातून बाहेर पडेन. फिकीर नाॅट. किरण माने यांच्या या पोस्टवर अनेकांनी कमेंट्स करत त्यांना काळजी घेण्यास सांगितलं आहे.
किरण माने यांना नेमकं काय झालं?
दरम्यान किरण माने यांना नेमकं काय झालंय याचं कारण अद्याप समोर आलेलं नाहीये. पण त्यांना आयसीयुमध्ये दाखल करण्यात आल्याची माहितीही त्यांनी दिली आहे. तसेच सध्या त्यांच्यावर कोणत्या रुग्णालयात उपचार सुरु आहेत, याविषयी देखील काही माहिती समोर आलेली नाही. त्यांच्या या पोस्टवर अनेकांनी त्यांना कमेंट्स करत काळजी घेण्यास सांगितलं असून ही पोस्ट पाहून अनेकांना धक्काही बसला आहे.
दरम्यान मागील अनेक वर्षांपासून किरण माने हे नाव खूप चर्चेत आहे. स्टार प्रवाहवरील मुलगी झाली हो या मालिकेतून त्यांना अचानक काढून टाकण्यात आलं. त्यानंतर त्यांच्यावर सोशल मीडियाच्या माध्यमातून बरीच टीका देखील करण्यात आली होती. त्यानंतर किरण माने हे बिग बॉसच्या घरात दिसले होते. तसेच त्यांनी काही महिन्यांपूर्वी त्यांनी त्यांच्या राजकीय प्रवासाला देखील सुरुवात केली असून ठाकरे गटात प्रवेश केला आहे.
ही बातमी वाचा :
महत्त्वाच्या बातम्या
