Coffee With Karan Season 7 : '... म्हणून कॉफी विथ करणमध्ये रणबीर सहभागी होणार नाही'; करण जोहरनं सांगितलं कारण
अभिनेता रणबीर कपूर (Ranbir Kapoor) हा या शोमध्ये हजेरी लावणा नाही, असं करणनं एका मुलाखतीमध्ये सांगितलं.
Coffee With Karan Season 7 : प्रसिद्ध दिग्दर्शक करण जोहरच्या (Karan Johar) 'कॉफी विथ करण' या कार्यक्रमाला प्रेक्षकांची पसंती मिळाली होती. करण जोहरच्या कॉफी विथ करणच्या सहा सीझननं प्रेक्षकांचे मनोरंजन केले. आता या कार्यक्रमाच्या सातव्या सिझनची प्रेक्षक उत्सुकतेने वाट पाहात आहेत. 'कॉफी विथ करण 7'चा प्रिमिअर हा 7 जुलै रोजी होणार आहे. ओटीटीवरुन प्रेक्षकांच्या भेटीस येणाऱ्या या कार्यक्रमामध्ये अनेक सेलिब्रिटी सहभागी होणार आहेत. पण अभिनेता रणबीर कपूर (Ranbir Kapoor) हा या शोमध्ये हजेरी लावणार नाही,असं करणनं एका मुलाखतीमध्ये सांगितलं.
करणनं सांगितलं कारण
‘फिल्म कंपॅनियन’ला दिलेल्या मुलाखतीमध्ये करणने 'कॉफी विद करण' च्या नव्या सिझनबाबत सांगितलं. तो म्हणाला की, 'रणबीरनं मला सांगितलं की तो या शोमध्ये सहभागी होणार नाही.' पुढे तो म्हणाला, 'आजकाल लोक खूप घाबरले आहेत, सध्या कोणतीही गोष्ट हेडलाइन होऊ शकते. कोणत्याही गोष्टी व्हायरल होऊ शकतात. त्यामुळे रणबीरनं शोमध्ये येण्यास नकार दिला. ' रणबीरसोबतच आलिया देखील या शोमध्ये सहभागी होणार नाही, अशी देखील सध्या चर्चा सुरू आहे.
अनेक सेलिब्रिटींनी लावली होती हजेरी
करण हा 'कॉफी विथ करण' या कार्यक्रमाचे सूत्रसंचालन करतो. या कार्यक्रमामध्ये वेगवेगळे सेलिब्रिटी सहभाग घेतात. आमिर खान, शाहरूख खान, अमिताभ बच्चन आणि सलमान खान यांसारख्या प्रसिद्ध कलाकारांनी या शोमध्ये हजेरी लावली होती. काही दिवसांपूर्वी करण अनुपमा चोप्रा यांच्या फिल्म कंपेनियनच्या मजेशीर चॅट शोमध्ये सामील झाला होता. या चॅट शोमध्ये करणनं 'कॉफी विथ करण'च्या नव्या सिझनबाबत सांगितलं होतं.
शोमध्ये कोणते सेलिब्रिटी होऊ शकतात सामील
कॉफी विथ करणच्या सातव्या सिझनमधील एका एपिसोडमध्ये सलमान खान, आमिर खान आणि शाहरुख खान हे एकत्र उपस्थित राहणार आहेत, अशी चर्चा आहे. त्यामुळे आता प्रेक्षक या कार्यक्रमाची उत्सुकतेने वाट बघत आहेत.
हेही वाचा :
महत्त्वाच्या बातम्या
ट्रेंडिंग न्यूज
