kangana Ranaut : धाकड गर्लनं केला महेश बाबूला सपोर्ट; कंगना म्हणाली, 'त्याचं म्हणणं बरोबरच आहे...'

कंगनानं (kangana Ranaut) महेश बाबूला सपोर्ट केला आहे. 

Kangana Ranaut,mahesh babu

kangana Ranaut : बॉलिवूडमधील प्रसिद्ध अभिनेत्री कंगना रनौत (kangana Ranaut) सोशल मीडियावर अॅक्टिव्ह असते. वेगवेगळ्या विषयांवरील मतं कंगना सोशल मीडियावर मांडत असते. सध्या अभिनेता महेश बाबू (Mahesh Babu) त्यानं केलेल्या बॉलिवूडबाबतच्या वक्तव्यामुळे चर्चेत आहे. या वक्तव्याबाबत कंगनानं प्रतिक्रिया दिली आहे. कंगनानं महेश बाबूला सपोर्ट केला आहे. 

कंगनानं महेश बाबूला केला सपोर्ट
कंगनाचा धाकड हा चित्रपट लवकरच प्रेक्षकांच्या भेटीस येणार आहे. या चित्रपटाच्या ट्रेलर लाँचचा कार्यक्रम दिल्लीमध्ये पार पडला. या कार्यक्रमामध्ये कंगनानं महेश बाबूनं बॉलिवूडबाबत केलेल्या वक्तव्यावर प्रतिक्रिया दिली. कंगना म्हणाली, 'त्याचं म्हणणं बरोबरच आहे. ' मला माहित आहे की त्याला अनेक फिल्ममेकर्सकडून ऑफर्स येत असतात. त्यांच्या पिढीतील अभिनेत्यांनी तेलुगू चित्रपटसृष्टीला भारतातील प्रथम क्रमांकाची चित्रपटसृष्टी बनवलं आहे. त्यामुळे बॉलिवूडमधील कोणालाच ते परवडणार नाहीत.' यावेळी तिनं दाक्षिणात्य चित्रपटसृष्टीचं कौतुक केलं. 

कंगनाचा धाकड हा चित्रपट लवकरच प्रेक्षकांच्या भेटीस येणार आहे. या चित्रपटामध्ये अभिनेता अर्जुन रामपाल, दिव्या दत्ता प्रमुख भूमिका साकारणार आहे. कंगनाचा 'धाकड' सिनेमा हिंदीसह तामिळ, तेलुगू आणि मल्याळम भाषेत प्रदर्शित होणार आहे. या सिनेमात कंगना रनौत मुख्य भूमिकेत आहे.  सिनेमात कंगना  एका डिटेक्टिव्हची भूमिका साकारणार आहे. कंगनाचा हा सिनेमा आधी 27 मे रोजी प्रदर्शित होणार होता. पण आता सिनेमाची रिलीज डेट बदलण्यात आली आहे. 

मेजर या चित्रपटाच्या ट्रेलर लाँचच्या कार्यक्रमामध्ये महेश बाबूनं बॉलिवूडबाबत वक्तव्य केलं होतं. 'मला बॉलिवूडमधून खूप ऑफर्स आल्या. बॉलिवूडला मी परवडत नाही. त्यामुळे मी माझा वेळ वाया घालवू शकत नाही. तेलगू चित्रपटांमुळेच मला स्टारडम आणि लोकांचं प्रेम मिळालं. ' 1983 साली 'पोरातम' या चित्रपटातून बाल भूमिकेच्या माध्यमातून महेश बाबूने अभिनय क्षेत्रात पदार्पण केलं. त्यानंतर 1999 साली 'राजा कुमारुदु' या चित्रपटातून पहिल्यांदा मुख्य भूमिका साकारली. पुढे महेश बाबू म्हणाला होता, 'माझा उद्देश  पॅन इंडिया स्टार व्हायचा नाहीये. मला दाक्षिणात्य चित्रपटांना देशभरात यश मिळवून द्यायचंय. मला आधी पासूनच तेलगू चित्रपटांमध्ये काम करायचे होते आणि माझी इच्छा होती की भारतातील सर्व लोकांनी हे चित्रपट बघावेत. 

महत्वाच्या बातम्या :