![ABP Premium](https://cdn.abplive.com/imagebank/Premium-ad-Icon.png)
Marathi Movie : कर्म हेच अंतिम सत्य! अशाच एका सत्याचा उलगडा होणार 'काकुळ' या रहस्यमय सिनेमातून, अभिनेत्री मोनालिसा बागल मुख्य भूमिकेत
Marathi Movie : मोनालिसा बागल मुख्य भूमिकेत असलेला काकुळ हा सिनेमला लवकरच प्रेक्षकांच्या भेटीला येणार आहे.
![Marathi Movie : कर्म हेच अंतिम सत्य! अशाच एका सत्याचा उलगडा होणार 'काकुळ' या रहस्यमय सिनेमातून, अभिनेत्री मोनालिसा बागल मुख्य भूमिकेत Kakul New Marathi Movie Monalisa Bagal in lead role Entertainment Marathi Movie update Marathi Movie : कर्म हेच अंतिम सत्य! अशाच एका सत्याचा उलगडा होणार 'काकुळ' या रहस्यमय सिनेमातून, अभिनेत्री मोनालिसा बागल मुख्य भूमिकेत](https://feeds.abplive.com/onecms/images/uploaded-images/2024/06/22/c0cac86e596a303e8c55bb32852c10bd1719046529527720_original.png?impolicy=abp_cdn&imwidth=1200&height=675)
Marathi Movie : बॉक्स ऑफिसवर (Box Office) सध्या मराठी सिनेमांची (Marathi Movie) जादू पाहायला मिळतेय. त्यातच आता पुन्हा एक नवा सिनेमा लवकरच प्रेक्षकांच्या भेटीला येणार आहे. सध्या सर्वत्र कौटुंबिक, रोमँटिक चित्रपटांची चलती असलेली पाहायला मिळत आहे. अशातच प्रेक्षकवर्ग रहस्यमय चित्रपटांना मिस करत असल्याचं चित्र आहे. प्रेक्षकांची हिचं इच्छा लवकरचं पूर्ण होणार आहे, कारण एक नवाकोरा रहस्यमय, हॉरर चित्रपट प्रेक्षकांच्या भेटीस येण्यास सज्ज होत आहे. काकुळ असे या चित्रपटाचे नाव आहे.
सुप्रसिद्ध अभिनेत्री मोनालीसा बागल या चित्रपटात महत्त्वपूर्ण भूमिकेत पाहायला मिळत आहे. पोस्टरवरील या अभिनेत्रीच्या फोटोने साऱ्यांचं लक्ष वेधले आहे. रक्ताने माखलेला चेहरा चित्रपटाची रहस्यमय असलेली खोली दर्शवतय. चेहऱ्यावरील जखमा, गळा दाबून घेतलेला जीव अशा या द्विधा मनस्थितीत टाकणाऱ्या पोस्टरने चित्रपटाची उत्सुकता वाढवून ठेवली आहे.
View this post on Instagram
हे कलाकार दिसणार मुख्य भूमिकेत
'स्वप्निल गोगावले फिल्म्स' अंतर्गत 'काकुळ' या चित्रपटाच्या निर्मितीची धुरा स्वप्निल विजया सहदेव गोगावले यांनी साकारली, सहनिर्माते म्हणून राजीव दत्तात्रय पाटील, सोमा दास यांनी बाजू पाहिली आहे. तर चित्रपटाचे दिग्दर्शन दिग्दर्शक सूरज रघुनाथ पडवळ यांनी केले आहे. मोनालीसासह या चित्रपटात यश डिंबळे, विवेक यादव पाटील, मयूर भोसले हे कलाकारही महत्त्वपूर्ण भूमिकेत पाहायला मिळणार आहेत. या थरारक चित्रपटातील गाण्यांचं उदय देशपांडे यांनी संगीत केलं आहे. तर संपूर्ण चित्रपट वीरधवल पाटील यांनी त्यांच्या कॅमेऱ्यात कैद केला आहे. अशा या हॉरर चित्रपटाच्या प्रदर्शनाची तारीख अद्याप समोर आली नसून लवकरच हा सिनेमा चित्रपटगृहात धुमाकूळ घालण्यास सज्ज होणार आहे एवढं नक्की.
ही बातमी वाचा :
महत्त्वाच्या बातम्या
ट्रेंडिंग न्यूज
![ABP Premium](https://cdn.abplive.com/imagebank/metaverse-mid.png)