Happy Birthday Janhvi Kapoor : वयाच्या अवघ्या 25व्या वर्षी जान्हवी कपूर ‘इतक्या’ संपत्तीची मालकीण! अभिनेत्रीचं नेटवर्थ माहितीये का?
Janhvi Kapoor Birthday : 2018 मध्ये बॉलिवूड डेब्यू करत पहिलाच हिट चित्रपट देणाऱ्या या अभिनेत्रीने अल्पावधीतच अनेक हिट चित्रपट दिले. याबरोबरच तिच्या संपत्तीही चांगली वाढ झाली आहे.
Janvhi Kapoor Birthday : बॉलिवूड अभिनेत्री जान्हवी कपूर (Janhvi Kapoor) हिचा जन्म 6 मार्च 1997 रोजी मुंबईत झाला. बॉलिवूडची ‘हवाहवाई गर्ल’ दिवंगत अभिनेत्री श्रीदेवी आणि चित्रपट निर्माते बोनी कपूर यांची लेक असणाऱ्या जान्हवीने आपल्या आई-वडिलांच्या पावलावर पाऊल ठेवत बॉलिवूडमध्ये स्वतःचे विशेष स्थान निर्माण केले आहे. जान्हवीचा पहिला चित्रपट 'धडक' हिट ठरला, त्यानंतर या अभिनेत्रीने बॉलिवूडला एकापाठोपाठ एक अनेक उत्तम चित्रपट दिले.
2018 मध्ये बॉलिवूड डेब्यू करत पहिलाच हिट चित्रपट देणाऱ्या या अभिनेत्रीने अल्पावधीतच अनेक हिट चित्रपट दिले. याबरोबरच तिच्या संपत्तीही चांगली वाढ झाली आहे. वयाच्या अवघ्या 25व्या वर्षी जान्हवी कपूर कोट्यवधींची मालकीण आहे.
सर्वाधिक कमाई करणारी बॉलिवूड अभिनेत्री!
अभिनेत्री जान्हवी कपूर देखील तिची आई श्रीदेवी इतकीच दिसायला सुंदर आहे. अवघ्या 25 वर्षांची ही अभिनेत्री इतक्या कमी कालावधीत करोडो रुपयांच्या संपत्तीची मालक बनली आहे. बॉलिवूडमधील सर्वाधिक कमाई करणाऱ्या अभिनेत्रींमध्ये जान्हवीचे नाव सामील झाले आहे. गेल्या वर्षी एका बॉलिवूड वेबसाईटच्या वृत्तानुसार, अभिनेत्रीची एकूण संपत्ती 58 कोटी इतकी आहे.
चित्रपटच नाहीत, तर मॉडेलिंग-अँडोर्समेंटही!
जान्हवी कपूरच्या संपत्तीचा हा आकडा गेल्या वर्षभरातील आहे. या वर्षी तिच्या संपत्ती आणखी वाढ झाली असेल. मीडिया रिपोर्ट्सनुसार, अभिनेत्री तिच्या एका चित्रपटासाठी तब्बल 5 कोटी रुपये फी आकारते. याशिवाय ती अँडोर्समेंट आणि मॉडेलिंगमधूनही मोठी कमाई करते. जान्हवी केवळ कमाईच्या बाबतीत अव्वल नाही, तर ती सढळहस्ते दानही करते. दिलदार अभिनेत्री चांगल्या कामासाठी अनेक सामाजिक संस्थांना मदत करते.
जान्हवी कपूरला एक बहीण खुशी कपूर आणि सावत्र बहीण अंशुला कपूर- भाऊ अर्जुन कपूर आहे. अर्जुन आणि अंशुला ही बोनी कपूर यांच्या पहिल्या पत्नीची मुले आहेत. श्रीदेवी हयात असताना या चौघांमध्ये काही खास बॉन्डिंग नव्हते. पण, श्रीदेवीच्या मृत्यूनंतर अर्जुनने आपल्या बहिणींना खूप भावनिक आधार दिला. आता ते एकमेकांसोबतच राहतात. जान्हवी कपूर मुंबईतील लोखंडवाला या भागातील आलिशान सी-फेसिंग बंगल्यात आपल्या कुटुंबासोबत राहते.
हेही वाचा :
- Attack Poster : जॉन अब्राहमचा 'अटॅक' या दिवशी येणार प्रेक्षकांच्या भेटीला, नवे पोस्टर प्रदर्शित
- Rula Deti Hai Song Released : करण कुंद्रा आणि तेजस्वी प्रकाशचे 'रुला देती है' गाणे रिलीज
- Pathaan : किंग इज बॅक, 'पठाण'च्या शूटिंगसाठी शाहरुख खान स्पेनला रवाना
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha
महत्त्वाच्या बातम्या
ट्रेंडिंग न्यूज
