Marathi Actress : 'तुला आता देवाचीही साथ राहिली नाही...', सध्याच्या परिस्थितीवर मराठी अभिनेत्रीचे डोळ्यात अंजन घालणारे शब्द

Marathi Actress : मराठी अभिनेत्रीने तिच्या कवितेमधून सध्याच्या परिस्थितीवर भाष्य केलं आहे. 

Marathi Actress

Source : instagram

Marathi Actress : पुरोगामी महाराष्ट्रात मागील आठवडाभरात मुलींवरील अत्याचाराच्या जवळपास 12 घटना घडल्या आहेत. कोल्हापूर, बदलापूर या घटनांनी तर महाराष्ट्र (Maharashtra) सुन्न झाला. बदलापूरमध्ये चिमुकल्यांवर झालेल्या लैंगिक अत्याचारानंतर अनेक प्रश्न मनात उपस्थित राहू लागले. या सगळ्या घटनांचा महाराष्ट्राने निषेध केलाच, पण मुलींच्या महिलांचा सुरक्षेचा प्रश्न हा आजही तसाच उभा ठाकलाय, याची लख्ख जाणीवही करुन दिली. 

या सगळ्या घटनांवर सोशल मीडियाच्या माध्यमातून, रस्त्यावर उतरुन तीव्र संतापही व्यक्त करण्यात आला. सरकारवरही अनेक प्रश्न उपस्थित करण्यात आले. पण या सगळ्या परिस्थितीवर अभिनेत्री गौतमी देशपांडे हिची कविता बरंच काही बोलून गेली आहे. गौतमीने तिच्या सोशल मीडियावर ही कविता शेअर केली आहे. 

'स्त्रीचा अपमान झाला आणि महाभारत घडलं'

गौतमीने तिच्या सोशल मीडियावर ही कविता शेअर करत म्हटलं की, 'गेले काही दिवस खूप भयंकर चालूये सगळंच. त्यावर काहीतरी लिहावंसं वाटलं .स्त्री चा अपमान झाला आणि महाभारत घडलं .पण आता काय ?'

गौतमीची कविता

 ये तू आता काळजी घे बाई
कारण तुला वाचवायला आता काही कृष्ण येणार नाही
आता तुझी अब्रु झालीये खूप खूप स्वस्त 
आजूबाजूला दुर्योधन, दु:शासन झालेत मदमस्त
तुझ्यासाठी आता कुणी भीम प्रतिज्ञा करणार नाही
ये आता तू काळजी घे बाई 
आता तुझ्या घरातही नाही होणार तुझी रक्षा 
तुला मिळतेय तुझ्याच स्त्रीत्वाची शिक्षा
आता अधर्मासाठी कुणी महाभारत करणार नाही 
ये आता तू काळजी घे बाई
तू शिकलीस, गेलीस विचारांनी पुढे 
पण नराधमांना कसे देणार नैतिकतेचे धडे?
आजही तुझ्या निऱ्यांना हात घालायला कुणी घाबरणार नाही 
आता तू काळजी घे बाई
तू कपडे कोणतेही घाल 
त्यांच्या लेखी तू वस्रहिन 
अब्रू रक्षणासाठी कुणाकुणापाशी होशील लीन? 
आता तुझा अर्जुनही हातात कायदा घेऊ शकणार नाही 
आता तू काळजी घे बाई 
काळ पुढे गेला माणूस नाही 
धर्म बदलत गेला पण वृत्ती नाही 
आजही भर सभेत लाज तुझीच जाईल
ये आता तू काळजी घे बाई 
सितेला नेली पळवून तेव्हा राम आला होता धावून 
द्रौपदीच्या निऱ्यांना हात घातला तेव्हा कौरवांनी केला पांडवांचा नि:पात 
पण आज तुझा बलात्कार आणि तुझा पुरुष मात्र कायद्यापुढे लाचार
तुला आता देवाचीही साथ राहिली नाही 
तू आता काळजी घे बाई 
आता वेळ बदलायची 
स्वत:हून महाभारतात उतरायची 
दुर्योधनाची मांडी आता स्वत:हून फोडायची 
आता केस बांध, युद्धात उतर बाई 
कारण आता तुला वाचवायला कृष्ण काही येणार नाही 

 

 

 

 

 

View this post on Instagram

 

 

 

 

 

 

 

 

 

 

 

A post shared by Gautami Deshpande (@gautamideshpandeofficial)

ही बातमी वाचा :