Entertainment News Live Updates 9 September : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Black Adam Trailer : अभिनेता ड्वेन जॉनसन (Dwayne Johnson) गेल्या अनेक दिवसांपासून 'ब्लॅक अॅडम' (Black Adam) या सिनेमामुळे चर्चेत आहे. आता या बहुचर्चित सिनेमाचा दुसरा ट्रेलर आऊट झाला आहे. 'ब्लॅक अॅडम'चा ट्रेलर खूपच रोमांचक आहे.
Suriya 42 Motion Poster Released : दाक्षिणात्य सुपरस्टार सूर्याच्या (Suriya) प्रत्येक सिनेमाची चाहते प्रतीक्षा करत आहेत. अशातच सूर्याच्या आगामी 'सूर्या 42' (Suriya 42) या सिनेमाची घोषणा करण्यात आली आहे. तसेच या सिनेमाचं मोशन पोस्टरदेखील रिलीज करण्यात आलं आहे.
Brahmastra Leaked Online : बॉलिवूड अभिनेत्री आलिया भट्ट (Alia Bhatt) आणि रणबीर कपूर (Ranbir Kapoor) सध्या 'ब्रह्मास्त्र' सिनेमामुळे चर्चेत आहेत. आज हा सिनेमा प्रेक्षकांच्या भेटीला आला आहे. पण आता या सिनेमाला पायरसीचा सामना करावा लागत आहे. रिलीजच्या पहिल्याच दिवशी हा सिनेमा ऑनलाईन लीक झाला आहे.
ब्रिटनच्या क्वीन एलिझाबेथ (Queen Elizabeth II) यांच्या निधनानंतर आता 'The Crown' या नेटफ्लिक्सवरील वेब सीरिजच्या सहाव्या भागाचे शूटिंग थांबवण्याची शक्यता आहे. या वेब सीरिजचे लेखक आणि निर्माते पिटर मॉर्गन (Peter Morgan) यांनी हे शूटिंग थांबणार असल्याचे संकेत दिले आहेत. पण यावर नेटफ्लिक्सने (Netflix) अद्याप कोणतेही निवेदन प्रकाशित केलं नाही. प्रिन्सेस डायना यांच्या अपघाती मृत्यूनंतरच्या घटनांवर या सीझन आधारित आहे.
Honey Singh Divorced : आपल्या गाण्यांनी आणि रॅपने प्रेक्षकांची मनं जिंकणारा लोकप्रिय गायक 'यो यो हनी सिंह'चा (Yo Yo Honey Singh) घटस्फोट झाला आहे. 10 वर्षांच्या सुखी संसारानंतर हनी सिंहने पत्नी शालिनीसोबत घटस्फोट घेतला आहे. 2021 साली हनी सिंहवर घरगुती हिंसाचाराचा आरोप लावण्यात आला होता.
The Good Wife : बॉलिवूड अभिनेत्री काजोलने (Kajol) अनेक दर्जेदार सिनेमांत काम केलं आहे. तिच्या अभिनयाने तिने प्रेक्षकांवर छाप सोडली आहे. आता काजोल ओटीटी विश्वात पदार्पण करण्यासाठी सज्ज आहे. तिची 'द गुड वाइफ' (The Good Wife) ही वेबसीरिज लवकरच प्रेक्षकांच्या भेटीला येणार आहे.
Marathi Serial : टीआरपीच्या शर्यतीत 'रंग माझा वेगळा' ही मालिका पहिल्या क्रमांकावर आहे. या मालिकेला 6.8 रेटिंग मिळाले आहे.
बॉलिवूड अभिनेत्री आलिया भट्ट आणि रणबीर कपूर सध्या 'ब्रह्मास्त्र' सिनेमामुळे चर्चेत आहे. आज हा सिनेमा प्रेक्षकांच्या भेटीला आला आहे. बॉलिवूड स्टार रणबीर कपूर, आलिया भट्ट, अमिताभ बच्चन, मौनी रॉय आणि दाक्षिणात्य सिनेसृष्टीतील दिग्गज अभिनेता नागार्जुन यांचाही या मल्टीस्टारर चित्रपटात समावेश आहे. या सिनेमाच्या माध्यमातून रणबीर आणि आलियाची जोडी पहिल्यांदाच मोठ्या पडद्यावर एकत्र दिसत आहे. अयान मुखर्जीने या सिनेमाचं दिग्दर्शन केलं आहे.
उत्तर प्रदेशमध्ये पार पडलेल्या सहाव्या ‘के आसिफ-चंबळ आंतरराष्ट्रीय चित्रपट महोत्सव 2022’मध्ये (K Asif International Film Festival) निर्माते शंकर धुरी यांच्या ‘आकृती क्रिएशन्स’ निर्मित आणि निलेश उपाध्ये लिखित-दिग्दर्शित 'बनी' (Bunny) या मराठी चित्रपटाला सर्वोत्कृष्ट चित्रपटाचा पुरस्कार देऊन गौरवण्यात आले, तर ‘टॉर्टुगा मोशन पिक्चर्स' निर्मित आणि जितेंद्र पुंडलिक बर्डे दिग्दर्शित ‘मोऱ्या’ (Morya) या चित्रपटाचा सर्वोत्कृष्ट कथा, अभिनय आणि दिग्दर्शन अशा महत्वाच्या पुरस्कारांनी सन्मान करण्यात आला.
'पुष्पा: द राईज'नंतर (Pushpa The Rise) साऊथ सुपरस्टार अल्लू अर्जुनच्या (Allu Arjun) फॅन फॉलोइंगमध्ये झपाट्याने वाढ झाली आहे. या चित्रपटामुळे अल्लू अर्जुन देशाच्या कानाकोपऱ्यात प्रसिद्ध झाला आहे. त्यामुळेच आता त्याला 'पुष्पा 2'साठी (Pushpa 2) मोठ्या रकमेची ऑफर देण्यात आली आहे. मानधनाची ही रक्कम इतकी मोठी आहे की, त्याने या बाबतीत बॉलिवूडचा ‘दबंग’ म्हणजेच अभिनेता सलमान खानची (Salman Khan) बरोबरी केली आहे.
चेन्नईच्या एमजीआर फिल्म सिटीमध्ये 1997 दरम्यान 'मरुधनयागम' या चित्रपटाचे शूटिंग सुरू झाले होते. तेव्हा महाराणी एलिझाबेथ द्वितीय यांनी या चित्रपटाच्या सेटला भेट दिली होती. तब्बल 20 मिनिटे त्या चित्रपटाच्या सेटवर उपस्थित होत्या. यावेळी त्यांच्यासोबत तत्कालीन मुख्यमंत्री एम. करुणानिधी देखील हजर होते.
अॅमेझॉन प्राइम या ओटीटी प्लॅटफॉर्मवर सीता रामम हा चित्रपट रिलीज होणार आहे.
बॉलिवूडचा खिलाडी कुमार अर्थात अभिनेता अक्षय कुमार (Akshay Kumar) याचा आज 55वा वाढदिवस. अभिनेता अक्षय कुमारचा जन्म 9 सप्टेंबर 1967 रोजी पंजाबमधील अमृतसर येथे झाला. अक्षयचे खरे नाव राजीव हरी ओम भाटिया आहे.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
'विक्रम वेधा' चा धमाकेदार ट्रेलर रिलीज!
लेखक-दिग्दर्शक पुष्कर आणि गायत्री यांचा बहुप्रतिक्षीत चित्रपट 'विक्रम वेधा' चित्रपटाचा ट्रेलर आज (8 सप्टेंबर) कलाकारांच्या हस्ते मुंबईतील विशेष कार्यक्रमात लाँच करण्यात आला.
थँक गॉडमधील अजयचा लूक रिलीज
बॉलिवूडमधील प्रसिद्ध अभिनेता अजय देवगणच्या आगामी चित्रपटाची प्रेक्षक उत्सुकतेने वाट बघत असतात. अजय त्याच्या अभिनयानं प्रेक्षकांचं मनोरंजन करतो. आता लवकरच त्याचा थँक गॉड हा चित्रपट प्रेक्षकांच्या भेटीस येणार आहे. या चित्रपटातील अजयचा लूक रिलीज करण्यात आला आहे. अजयनं सोशल मीडियावर थँक गॉड चित्रपटातील त्याच्या लूकचा फोटो शेअर करुन या चित्रपटातील त्याच्या भूमिकेबाबत माहिती दिली आहे.
'विक्रम वेधा'च्या ट्रेलरचे पाच तासात पाच मिलियन व्ह्यूज
बहुप्रतिक्षित 'विक्रम वेधा' हा सिनेमा गेल्या अनेक दिवसांपासून चर्चेत आहे. नुकताच या सिनेमाचा ट्रेलर प्रेक्षकांच्या भेटीला आला आहे. अल्पावधीतच ट्रेलरने सोशल मीडियावर धुमाकूळ घातला आहे. ट्रेलरला पाच तासाच पाच मिलियन व्ह्यूज मिळाले आहेत. 'विक्रम वेधा'च्या ट्रेलरला सोशल मीडियावर उत्तम प्रतिसाद मिळत आहे. 'विक्रम वेधा' या सिनेमात सैफ अली खान विक्रमच्या भूमिकेत आहे. तर, हृतिक रोशन वेधाच्या भूमिकेत दिसणार आहे. हृतिक रोशन आणि सैफ अली खानचा ट्रेलरमधील लुक प्रेक्षकांच्या पसंतीस उतरत आहे.
'राडा' सिनेमाचा ट्रेलर आऊट
फुल्ल ऑफ अॅक्शन, कॉमेडी आणि सोबत रोमँटिक सीन्सचा भरणा असलेल्या 'राडा' सिनेमाचा ट्रेलर सोशल मीडियावर हवा करण्यास सज्ज झाला आहे. आता या सिनेमाचा ट्रेलर आणि सिनेमातील एक धमाकेदार गाणं प्रेक्षकांच्या भेटीस आलं आहे.
हंसल मेहताच्या 'लुटेरे'चा टीझर आऊट
सिनेनिर्माता हंसल मेहताची 'लुटेरे' ही वेबसीरिज लवकरच प्रेक्षकांच्या भेटीला येणार आहे. नुकताच या वेबसीरिजचा टीझर आऊट करण्यात आला आहे. या वेबसीरिजमध्ये अनेक विषयांवर भाष्य करण्यात आलं आहे. 'लुटेरे' ही वेबसीरिज हॉटस्टार या ओटीटी प्लॅटफॉर्मवर प्रदर्शित होणार आहे.
- - - - - - - - - Advertisement - - - - - - - - -