Entertainment News Live Updates 01 March : टीव्हीपासून ते बॉलिवूडपर्यंत... मनोरंजन विश्वात काय घडतंय जाणून घ्या एका क्लिकवर!
Entertainment Live : मनोरंजन विश्वात सध्या काय नवं घडतंय, याची देखील सर्वांनाच उत्सुकता असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Tiger 3 Viral Video : बॉलिवूडमधीस प्रसिद्ध अभिनेता सलमान खान (Salman Khan) आणि अभिनेत्री कतरिना कैफ (Katrina Kaif) यांच्या टायगर-3 (Tiger 3) या चित्रपटाची प्रेक्षक उत्सुकतेने वाट बघत आहेत. या चित्रपटामध्ये अभिनेता इमरान हाश्मी देखील प्रमुख भूमिका साकारणार आहे. या चित्रपटाच्या सेटवरील एक व्हिडीओ सोशल मीडियावर व्हायरल झाला आहे. या व्हिडीओमध्ये इमरान हाश्मी (Emraan Hashmi) हा डॅशिंग लूकमध्ये दिसत आहे.
Farhan Akhtar: बॉलिवूडमधील प्रसिद्ध अभिनेता फरहान अख्तर (Farhan Akhtar) हा जगभरातील विविध शहरांमध्ये आपल्या बँडसोबत परफॉर्म करतो. काही दिवसांपूर्वी 'फरहान लाईव्ह' या फरहानच्या बँडच्या लाईव्ह प्रोग्रॅमचे आयोजन ऑस्ट्रेलियामधील सिडनी आणि मेलबर्न येथे करण्यात आले होते. पण ऑस्ट्रेलियामधील हा कार्यक्रम रद्द करण्यात आला. फरहानने याबद्दल सोशल मीडियावर पोस्ट शेअर करुन माहिती दिली.
फरहानची ही पोस्ट पाहून काही नेटकरी भडकले. त्याच्या या पोस्टला काही युझर्सनं कमेंट केली. एका नेटकऱ्यानं फरहानच्या पोस्टला कमेंट केली, 'आमचे पैसे परत दे.' तर दुसऱ्या युझरनं कमेंट केली, 'आम्हाला रिफंड कुठे मिळेल?'
Shiv Thakarey : छोट्या पडद्यावरील प्रसिद्ध रिअॅलिटी शो 'बिग बॉस-16' (Bigg Boss 16) मुळे शिव ठाकरेला (Shiv Thakarey) विशेष लोकप्रियता मिळाली. बिग बॉस-16 चा विजेता एमसी स्टॅन ठरला. पण शिव ठाकरेने मात्र बिग बॉस-16 मधून प्रेक्षकांच्या भेटीस येऊन चाहत्यांच्या मनात विशेष स्थान निर्माण केलं. शिव ठाकरेने मराठी बिग बॉसच्या दुसऱ्या सीझनमध्ये देखील सहभाग घेतला होता. या सीझनचा तो विजेता ठरला होता. हिंदी बिग बॉसनंतर आता शिवच्या आगामी प्रोजेक्ट्सची प्रेक्षक उत्सुकतेने वाट बघत आहेत. नुकतीच शिवने सोशल मीडियावर एक खास पोस्ट शेअर केली. त्याच्या या पोस्टने अनेकांचे लक्ष वेधले.
Oscar 2023 : ऑस्कर (Oscar) हा पुरस्कार मनोरंजनक्षेत्रातील मनाचा पुरस्कार मानला जातो. ऑस्कर 2023 (Oscar 2023) पुरस्कार सोहळ्याचं नामांकन मिळालेल्या चित्रपटांची यादी काही दिवसांपूर्वी जाहीर झाली. यामधील बेस्ट ओरिजिनल साँग कॅटेगिरीमध्ये आरआरआर (RRR) या चित्रपटातील नाटू नाटू या गाण्याला नामांकन मिळालं आहे. आता ऑस्कर पुरस्कार सोहळ्यात नाटू नाटू गाण्यावर गायक राहुल सिप्लिगंज (Rahul Sipligunj) आणि काला भैरव (Kaala Bhairava) हे दोन कलाकार परफॉर्म करणार आहेत.
पार्श्वभूमी
Entertainment Live : मनोरंजन विश्व म्हटलं की, रोज नवनवे गॉसिप हे आलेच. याशिवाय रोज मालिकांमध्ये काय घडतंय? बॉलिवूड विश्वात सध्या काय सुरु आहे? आपल्या लाडक्या अभिनेत्री आणि अभिनेत्यांच्या आयुष्यात काय सुरु आहे, या सगळ्याची संपूर्ण आणि जलद माहिती आम्ही तुम्हाला देणार आहोत. आपल्या लाडक्या सेलेब्सबद्दल जाणून घेण्यासाठी सगळेच चाहते उत्सुक असतात. इतकंच नाही तर मनोरंजन विश्वात सध्या काय नवं घडतंय, याची देखील सर्वांनाच उत्सुकत असतेच. या माध्यमातून अशाच काही चटपटीत बातम्या आम्ही सगळ्यात आधी तुमच्यापर्यंत पोहचवणार आहोत.
Farzi Season 2 Release Date: ‘फर्जी 2’कधी होणार रिलीज? शाहिद कपूर म्हणाला....
Farzi Season 2 Release Date: बॉलिवूडमधील प्रसिद्ध अभिनेता शाहिद कपूरनं (Shahid Kapoor) ओटीटी (Ott) विश्वात पदार्पण केलं आहे. त्याची फर्जी (Farzi) ही वेब सीरिज प्रेक्षकांच्या भेटीस आली आहे. या वेब सीरिजमध्ये शाहिदसोबतच अभिनेता विजय सेतुपतीनं (Vijay Sethupathi) देखील प्रमुख भूमिका साकारली आहे. या वेब सीरिजमधील डायलॉग्स आणि कलाकारांचा अभिनयाचं प्रेक्षक कौतुक करत आहेत. ही वेब सीरिज अमेजन प्राइमवर (Amazon Prime) रिलीज झाली. या वेब सीरिजमधील शाहिदच्या किलर लूकनं अनेकांचे लक्ष वेधले. आता या सीरिजच्या दुसऱ्या पार्टची (Farzi Season 2) प्रेक्षक उत्सुकतेने वाट बघत आहेत.
पाकिस्तानी 'कूकिंग शो'मध्ये महिलेनं केलं असं काही की, परीक्षकांनी लावला डोक्याला हात; व्हायरल व्हिडीओ पाहून खळखळून हसाल
Pakistani Cooking Show Viral Video : छोट्या पडद्यावरील कूकिंग शोमध्ये सहभाग घेण्याची अनेकांनी इच्छा असते. काही लोक कूकिंग शोमध्ये सहभाग घेण्यासाठी मेहनत करत असतात. ज्यांची कूकिंग शोमध्ये सहभाग घेण्याची इच्छा असते ते लोक, विविध पदार्थ तयार करणे, चॉपिंग स्किल्स डेव्हलप करणे इत्यादी गोष्टींची प्रॅक्टिस करतात. पाकिस्तानमधील एका कूकिंग शोमधील भन्नाट व्हिडीओ सोशल मीडियावर व्हायरल झाला आहे. या व्हिडीओमध्ये दिसत आहे की, कूकिंग शोमध्ये सहभागी होण्याची इच्छा असणारी महिला चक्क विकत आणलेला पदार्थ त्या कार्यक्रमाच्या परीक्षकांना देते. हा व्हिडीओ सोशल मीडियावर व्हायरल झाला असून अनेकांनी पाकिस्तानला ट्रोल केलेय.
Chiranjeevi - Nagarjuna : अभिनेते चिरंजीवी आणि नागार्जुन यांनी घेतली अनुराग ठाकूर यांची भेट; 'या' विषयांवर केली चर्चा
Chiranjeevi-Nagarjuna Anuraj Thakur Pics : भारतीय जनता पार्टीचे (Bharatiya Janata Party) नेते आणि केंद्रीय मंत्री अनुराग ठाकूर ( BJP MP Anurag Thakur) हे काही दिवसांपूर्वी हैद्राबाद (Hyderabad) येथे दौऱ्यावर होते. या दौऱ्यादरम्यान अनुराग ठाकूर यांनी दाक्षिणात्य चित्रपटसृष्टीतील सुपरस्टार चिरंजावी (Chiranjeevi) आणि नागार्जुन (Nagarjuna) यांची भेट घेतली. चिरंजावी यांनी अनुराग ठाकूर आणि नागार्जुन यांच्यासोबतचे काही फोटो शेअर केले.
- - - - - - - - - Advertisement - - - - - - - - -