Dyanada Ramatirthkarज्ञानदामुळे मला म्हाडाचं घर मिळालं...'; होणाऱ्या नवऱ्यानं सांगितला नवं घर घेण्यामागचा किस्सा
Dyanada Ramatirthkar: ज्ञानदा आणि हर्षद या दोघांनी त्यांच्या नात्याविषयी घरच्यांना पहिल्यांदा सांगितलं तेव्हा त्यांना दोघांच्या नात्याबद्दल अनेक प्रश्न होते.
Dyanada Ramatirthkar: ठिपक्यांची रांगोळी,लग्नानंतर होईलच प्रेम या मालिकांमधून घराघरात पोहोचलेली अभिनेत्री ज्ञानदा रामतीर्थकर सध्या चर्चेत आहे तिच्या लग्नामुळे. महिनाभरापूर्वीच तिचा साखरपुडा झाला. सिनेमेटोग्राफर व DoP हर्षद आत्माराम याच्याशी ज्ञानदा लग्न बंधनात अडकणार आहे. 2015 मध्ये पहिली भेट, 2019 ला हर्षदने लग्नासाठी विचारलं आणि आता रिलेशनशिपला जवळपास सहा -सात वर्ष पूर्ण झाल्यानंतर ज्ञानदा आणि हर्षद लग्न करत आहेत. अलीकडेच ज्ञानदाने राजश्री मराठीला दिलेल्या मुलाखतीत त्या दोघांच्या लव्ह स्टोरीविषयी मोकळेपणाने बातचीत केली. 22 व्या वर्षीच ज्ञानदा हर्षदा प्रेमात पडल्याचं तिने कबूल केलं. हर्षदनेही ज्ञानदा एक पार्टनर म्हणून कशी आहे, तिचा हर्षदला कसा पाठिंबा मिळतो याविषयी सांगितलं. याच मुलाखतीत हर्षदने ज्ञानदामुळे ठाण्यात म्हाडाचं घर मिळाल्याचे सांगितलं.
ज्ञानदा आणि हर्षद या दोघांनी त्यांच्या नात्याविषयी घरच्यांना पहिल्यांदा सांगितलं तेव्हा त्यांना दोघांच्या नात्याबद्दल अनेक प्रश्न होते. त्या प्रश्नांची उत्तर सापडायला काही वेळही लागणार होता.पण ज्ञानदाने मागे लागून आपण या गोष्टी करूया असं मला सांगितलं. आणि त्या करूनही घेतल्या , असं हर्षद म्हणाला.
हर्षदने सांगितला म्हाडाच्या घरामागचा किस्सा
कुठलंही लग्न ठरताना विचारला जाणारा प्रश्न म्हणजे मुलाला स्वतःचं घर आहे का ?हाच प्रश्न ज्ञानदा आणि हर्षदाच्या वेळेसही विचारला गेला. हर्षद म्हणाला," माझं पुण्यात निगडीमध्ये घर आहे . पण ते माझ्या वडिलांचा आहे त्यामुळे मला माझं स्वतःचं घरही हवं होतं. त्याच काळात ज्ञानदाला स्वतःच म्हाडाचं घर लागलेलं. तिचं घर लागल्यानंतर ज्ञानदा 'तू सुद्धा फॉर्म भर आपण करूया ते घराचं ' असं म्हणालेली . त्यावेळी मला प्रश्न पडलेला की माझ्याच्याने घर होईल की नाही. एवढी रक्कम उभी करायची, फंड गोळा करायचा ..त्यावेळी ती मला म्हणालेली ' तू गो विथ द फ्लो रहा .होईल सगळं नीट . मग मी तिचा ऐकून फॉर्म भरला . आणि मला नशिबाने म्हाडाचं घर लागलं. ठाण्यामध्ये मला म्हाडाचं घर मिळालं. हे सगळं एकापाठोपाठ होत गेलं. आपल्याला रक्कम खूप मोठी भरावी लागते .पण मला घरच्यांनीही सपोर्ट केला. आईने आर्थिक मदतही केली. आणि हे सगळं बघता बघता झालं. आता ज्ञानदाच स्वतःच ठाण्यामध्ये घर आहे आणि माझंसुद्धा. मला स्वतःचं घर असावं असं वाटायचं पण या पद्धतीने सगळं घडून येईल याची मला खात्री नव्हती. यासाठी मी ज्ञानदाचा आभारी आहे की मला तिचा पाठिंबा मिळाला. अस हर्षद म्हणाला.
महत्त्वाच्या बातम्या
