Dhurandhar 2 Box Office Collection: ‘धुरंधर 2’नं ते करून दाखवलं जे भल्याभल्यांना जमलं नाही; एका महिन्याचा कमाईचा आकडा किती?‘पुष्पा 2’च्या रेकॉर्डला गाठलं
Dhurandhar 2 Box Office Collection: या दमदार कामगिरीमुळे ‘धुरंधर 2’ आता जगभरात सर्वाधिक कमाई करणाऱ्या भारतीय चित्रपटांमध्ये दुसऱ्या क्रमांकावर पोहोचला आहे.
Dhurandhar 2 Box Office Collection: आदित्य धर दिग्दर्शित आणि रणवीर सिंग अभिनीत ‘धुरंधर 2: द रिवेंज’ (Dhurandhar 2) या चित्रपटाला रिलीज होऊन एक महिना पूर्ण झाला आहे. 18 मार्चला पेड प्रीव्ह्यूद्वारे या चित्रपटाने 51.62 कोटी रुपयांची कमाई करत दमदार सुरुवात केली होती. आता 30 दिवसांतच या चित्रपटाने मोठा जागतिक पातळीवर मैलाचा दगड रचला आहे. (Dhurandhar 2 Box Office Collection)
30 दिवसांत किती कमाई?
धुरंधर 2 चित्रपटाची पाचव्या आठवड्याची सुरुवात थोडी संथ झाली असली तरी चित्रपटाची एकूण कामगिरी दमदार राहिली आहे. 30 व्या दिवशी ‘धुरंधर 2’ने सुमारे 2.70 कोटी नेट आणि 3.24 कोटी ग्रॉस कमाई केली. भारतात या चित्रपटाने आतापर्यंत 1105.82 कोटी रुपयांचा नेट कलेक्शन केलं आहे. सॅकनिल्कच्या अहवालानुसार, ‘धुरंधर 2’ने भारतात एकूण 1323.73 कोटींची ग्रॉस कमाई केली असून परदेशात 418 कोटींची कमाई केली आहे. यामुळे चित्रपटाची जागतिक कमाई 1741.73 कोटी रुपये इतकी झाली आहे. या कामगिरीमुळे हा चित्रपट सर्वाधिक कमाई करणाऱ्या भारतीय चित्रपटांच्या यादीत सर्वात अव्वल ठरला आहे.
‘पुष्पा 2’च्या बरोबरीत कमाई
या कमाईने ‘धुरंधर 2’ने पुष्पा 2:द रूल' च्या लाइफटाइम कलेक्शनची बरोबरी केली आहे.विशेष म्हणजे, हा टप्पा गाठण्यासाठी ‘धुरंधर 2’ला फक्त 30 दिवस लागले, तर ‘पुष्पा 2’ला हेच कलेक्शन गाठायला तब्बल 64 दिवस लागले होते. या दमदार कामगिरीमुळे ‘धुरंधर 2’ आता जगभरात सर्वाधिक कमाई करणाऱ्या भारतीय चित्रपटांमध्ये दुसऱ्या क्रमांकावर पोहोचला आहे.
धुरंधर 2 ची आठवड्यानुसार कमाई
पहिला आठवडा: 674.17 कोटी
दुसरा आठवडा: 263.65 कोटी
तिसरा आठवडा: 110.60 कोटी
चौथा आठवडा: 54.70 कोटी
‘बाहुबली 2’ अजूनही नंबर 1
या यादीत पहिल्या क्रमांकावर बाहुबली 2: द कनक्लूजन आहे, ज्याची लाइफटाइम कमाई सुमारे 1788 कोटी रुपये आहे. ‘धुरंधर 2’ने मात्र RRR, कल्की 2898 AD, KGF: Chapter 2 तसेच ‘जवान’, ‘पठान’, ‘स्त्री 2’ आणि ‘एनिमल’ यांसारख्या मोठ्या चित्रपटांच्या कमाईला मागे टाकलं आहे.
धुरंधर 2 चे कथानक ?
19 मार्च रोजी हिंदीसह सर्व दक्षिण भारतीय भाषांमध्ये रिलीज झालेल्या या चित्रपटाचा पेड प्रीमियर 18 मार्चला झाला होता. पहिल्या भागात रणवीर सिंह एका भारतीय गुप्तहेराच्या भूमिकेत दिसला होता, जो दहशतवादी नेटवर्कचा पर्दाफाश करण्यासाठी अंडरवर्ल्डमध्ये घुसखोरी करतो. हा चित्रपट कंधार विमान अपहरण, 2001 संसद हल्ला आणि 26/11 मुंबई हल्ल्यांसारख्या घटनांच्या पार्श्वभूमीवर आधारित आहे. ‘धुरंधर 2’मध्ये आर. माधवन, संजय दत्त यांच्यासह अनेक कलाकार महत्त्वाच्या भूमिकेत आहेत.
महत्त्वाच्या बातम्या
