Debina Bonnerjee : बाळाला पकडण्याच्या पद्धतीमुळे देबिनाला केलं नेटकऱ्यांनी ट्रोल; सडेतोड उत्तर देत म्हणाली...
नेटकऱ्यांच्या मते, देबिना (Debina Bonnerjee) ही बाळाला चुकीच्या पद्धतीनं धरत आहे.
Debina Bonnerjee : छोट्या पडद्यावरील प्रसिद्ध अभिनेत्री देबिना बॅनर्जी (Debina Bonnerjee) ही सोशल मीडियावर नेहमी सक्रिय असते. 3 एप्रिल रोजी देबिना आणि गुरमीत चौधरी (Gurmeet Choudhary)यांना कन्यारत्न प्राप्त झालं. देबिना आणि गुरमीतनं त्यांच्या मुलीचं नाव लियाना असं ठेवलं आहे. सध्या देबिना ही तिच्या बेबी गर्लसोबतचे फोटो आणि व्हिडीओ शेअर करत आहे. हे फोटो पाहून अनेक नेटकरी देबिना सध्या ट्रोल करत आहेत. नेटकऱ्यांच्या मते, देबिना ही बाळाला चुकीच्या पद्धतीनं धरत आहे.
देबिनानं एक व्हिडीओ शेअर केला होता. त्या व्हिडीओमध्ये देबिना तिच्या मुलीला हातात पकडून एल्विस पस्रलीचं गाणं गाताना दिसत आहे. त्या व्हिडीओला एका नेटकऱ्यानं कमेंट करुन ट्रोल केलं. तो म्हणाला, 'तुम्हाला माहित असेल की बाळाला कसं सांभाळायचं पण त्याला असं पकडण्याची पद्धत चुकीची आहे. '
देबिनानं ट्रोलर्सला दिलं सडेतोड उत्तर
ट्रोल करणाऱ्यांना देबिना म्हणाली, 'तुमच्याकडे बरेच प्रश्न आहेत की, मी माझ्या बाळाला कशी पकडते? तसेत मी माझ्या सासूला काकू का म्हणते? मला यावर फक्त हेच सांगायचं आहे की मी बऱ्याचं चांगल्या लोकांसोबत राहते जे मला सुरक्षित ठेवतात.'
View this post on Instagram
देबिना बॅनर्जी आणि गुरमीत चौधरी यांनी 2011मध्ये लग्नगाठ बांधली होती. दोघांनी 9 फेब्रुवारी 2022 रोजी आपापल्या सोशल मीडिया हँडलद्वारे जाहीर केले होते की, ते आई-बाबा होणार आहेत.
संबंधित बातम्या
महत्त्वाच्या बातम्या
