Deadpool and Wolverine Marathi Trailer: शिव्या, गुलाबी साडी अन्..., 'डेडपूल'चा मराठी ट्रेलर पाहिलात का? कॅप्शन देत म्हटलं, 'ढवळ्या पवळ्याच्या सिनेमाला...'
Deadpool and Wolverine Marathi Trailer: बहुप्रतिक्षित डेडपूल या सिनेमाचा मराठी ट्रेलर नुकताच रिलीज करण्यात आला आहे.
Deadpool and Wolverine Marathi Trailer: मार्वल स्टुडिओजच्या (Marvel Studio) बहुप्रतिक्षित ॲक्शन एन्टरटेनर डेडपूल आणि वूल्व्हरिनने (Deadpool and Wolverine) देशभरात वादळ निर्माण केले आहे. येत्या 26 जुलै रोजी हा सिनेमा प्रदर्शित करण्यात येणार आहे. या सिनेमाची प्रेक्षकही आतुरतेने वाट पाहत आहेत. नुकताच या सिनेमाचा ट्रेलर रिलीज करण्यात आला आहे. विशेष म्हणजे भारतातील विविध भाषांमध्ये या सिनेमाचा ट्रेलर रिलीज झालाय. विशेष म्हणजे यामध्ये मराठीचा समावेश आहे.
डेडपूलचा मराठी ट्रेलर प्रेक्षकांचं विशेष लक्ष वेधून घेत आहे. दरम्यान डेडपूल आणि वूल्व्हरिन मराठीत काय बोलले असतील, असा प्रश्न अनेकांना पडला आहे. हा ट्रेलर पाहिल्यानंतर याचं उत्तर मिळतं. त्यामुळे सध्या सोशल मीडियावर या डेडपूल सिनेमाची तुफान चर्चा आहे. डेडपूलचा ट्रेलर हा हिंदी, गुजराती या भाषांमध्येही प्रदर्शित करण्यात आलाय.
'या' भाषांमध्ये प्रदर्शित होणार सिनेमा
डेडपूल हा सिनेमा इंग्रजी, हिंदी, तमिळ आणि तेलुगु या भाषांमध्ये प्रदर्शित केला जाणार आहे. परंतु याचा ट्रेलर मात्र अनेक भारतीय भाषांमध्ये प्रदर्शित करण्यात आलाय. या ट्रेलरमध्ये शिव्या ते अगदी गुलाबी साडी असा सगळा उल्लेख आहे. त्यामुळे डेडपूल सिनेमाचा ट्रेलर विशेष लक्ष वेधून घेतोय.
View this post on Instagram
'डेडपूल अँड वॉल्व्हरिन'बद्दल
मार्वल स्टुडिओजचा 'डेडपूल अँड वॉल्व्हरिन' हा या वर्षातील बहुप्रतिक्षित चित्रपटांपैकी एक आहे. या चित्रपटाद्वारे रायन रेनॉल्ड्स पुन्हा एकदा वेड विल्सनच्या भूमिकेत दिसणार आहे. मार्वल स्टुडिओने भारतीय प्रेक्षकांसाठी 'डेडपूल आणि वॉल्व्हरिन'चे अॅडवान्स बुकिंगही सुरू केले आहे. हा चित्रपट 26 जुलै 2024 रोजी थिएटरमध्ये रिलीज होणार आहे. हा चित्रपट रायन रेनॉल्ड्स आणि ह्यू जॅकमन या दोघांच्या मार्व्हल सिनेमॅटिक युनिव्हर्सचा चित्रपट आहे, ज्याची अनेकांना प्रतीक्षा आहे. गेल्या पाच वर्षांपासून हा चित्रपट चर्चेचा विषय राहिला आहे. चित्रपटाचे दिग्दर्शन शॉन लेव्ही यांनी केले आहे.
ही बातमी वाचा :
महत्त्वाच्या बातम्या
