David Dhawan On Rakesh Bedi: 'अरे तुझी तर चालच बदलली..'धुरंधर 2’ हिट होताच राकेश बेदींच्या डोक्यात हवा गेली? डेविड धवन यांची प्रतिक्रिया चर्चेत, म्हणाले..

Devid Dhawan Comment On Rakesh Bedi: ‘धुरंधर’मधील राकेश बेदी यांची भूमिका सोशल मीडियावर व्हायरल झाली आहे. त्यांच्या कॉमिक टायमिंग आणि संवादांची प्रेक्षकांकडून जोरदार दाद मिळत आहे.

Devid Dhawan on Rakesh Bedi

Source : ABPLIVE AI

Dhurandhar Rakesh Bedi:केवळ देशभरातीलच नाही तर जगभरात दणक्यात कमाई करणाऱ्या धुरंधर2 (Dhurandhar 2) चित्रपटाची सध्या एकच चर्चा आहे. या चित्रपटाच्या यशामुळे अनेक कलाकारांना नवी ओळख मिळाली आहे. रणवीर सिंगचा अभिनय, त्याचा लूक आणि त्याचे केस या सर्वांनी प्रेक्षकांना वेड लावलं, पण आणखी एक अभिनेता आहे ज्याने सर्वांची मने जिंकली आहेत. हा अभिनेता नवोदित नसला तरी, या चित्रपटातील त्याच्या अप्रतिम अभिनयाचे कौतुक केल्याशिवाय लोक राहू शकत नाहीत. चित्रपटात ‘जमील जमाली’ या भूमिकेत त्यांनी प्रेक्षकांची मनं जिंकली आणि त्यांच्या लोकप्रियतेत अचानक प्रचंड  वाढ झाली. सध्या सर्वत्र त्यांच्या अभिनयाचं कौतुक होत असून, या यशाबाबत दिग्दर्शक डेविड धवन यांनी दिलेल्या  प्रतिक्रियेची एकच चर्चा आहे. (Devid Dhawan Comment On Rakesh Bedi)

आदित्य धर दिग्दर्शित ‘धुरंधर’ला प्रेक्षकांनी मोठा प्रतिसाद दिला. बॉक्स ऑफिसवरही चित्रपटाने चांगली कमाई करत अनेक रेकॉर्ड्स केले. या चित्रपटामुळे अनेक जुन्या कलाकारांना नव्याने ओळख मिळाली, त्यात राकेश बेदी यांचं नाव आघाडीवर आहे. याआधी त्यांनी अनेक टीव्ही शो आणि चित्रपटांमध्ये काम केलं असलं, तरी ‘धुरंधर’सारखी लोकप्रियता त्यांना याआधी कधी मिळाली नव्हती.

उत्कृष्ट अभिनेता, पण उशिरा मिळालं यश

अलीकडेच दिलेल्या एका मुलाखतीत डेविड धवन यांनी सांगितलं की त्यांची आणि राकेश बेदी यांची मैत्री जवळपास 50  वर्षांपासून आहे. दोघांनीही Film and Television Institute of India (एफटीआयआय), पुणे येथे एकत्र शिक्षण घेतलं होतं. त्या दिवसांच्या आठवणी आजही ताज्या असल्याचं त्यांनी सांगितलं. त्यांनी पुढे म्हटलं की, राकेश बेदी हे नेहमीच उत्कृष्ट अभिनेता होते, पण त्यांना हक्काची ओळख आता मिळत आहे.

‘तुझी तर चालच बदलली रे!’

राकेश बेदी यांच्या यशाबाबत बोलताना डेविड धवन यांनी नेहमीच्या विनोदी शैलीत म्हटलं, “आता त्याच्या चालण्यातच एक वेगळाच आत्मविश्वास दिसतो. मी त्याला मजेत म्हटलं, ‘यार, तुझी तर चालच बदलली!’” अनेक वर्षांच्या मेहनतीनंतर मिळालेल्या या यशामुळे त्यांच्यात आलेला बदल स्पष्ट दिसतोय, असंही डेवीड धवन यांनी  सांगितलं.

दरम्यान, ‘धुरंधर’मधील राकेश बेदी यांची भूमिका सोशल मीडियावर व्हायरल झाली आहे. त्यांच्या कॉमिक टायमिंग आणि संवादांची प्रेक्षकांकडून जोरदार दाद मिळत आहे. याचमुळे त्यांना नव्याने लोकप्रियता मिळाली असून इंडस्ट्रीतील दिग्गजही त्यांच्या कामाचं कौतुक करताना दिसत आहेत.